Samfélagsmiðlar

Hlutfall nýrra rafbíla aldrei verið hærra en samt nokkru lægra en í Noregi

Á sama tíma og hlutfall rafbíla eykst hér á landi og í Noregi þá stefnir í aðra þróun í Svíþjóð.

616 rafbílar voru skráðir í síðasta mánuði.

Á íslenska bílamarkaðnum er bílaleigur stórtækar en þegar aðeins er horft til bílasölu til einstaklinga þá voru 760 ökutæki skráð ný á götuna í september. Af þessum fjölda voru hreinir rafbílar 616 talsins eða 81 prósent af heildinni. Hlutfallið hefur ekki áður verið þetta hátt í einum mánuði samkvæmt upplýsingum frá Bílgreinasambandinu.

Það sem af er ári þá hafa 5.356 nýir bílar verið skráðir á einstaklinga hér á landi og 71 prósent þeirra eru eingöngu knúnir rafmagni.

Hlutfallið er töluvert hærra í Noregi eða 83 prósent en í nýliðnum september fór vægi nýrra rafbíla upp í 87 prósent þar í landi og hefur það aldrei áður mælst þetta hátt. Fjórði hver rafbíll sem skráður var í Noregi í síðasta mánuði var af gerðinni Tesla og í nærri öllum tilvikum var um að ræða Y-módel bílategundarinnar.

Í heildina voru 10.342 nýir bílar skráðir í Noregi í september sem er samdráttur um 29 prósent frá sama tíma í fyrra. Í Svíþjóð var þróunin allt önnur.

Þar fjölgaði nýskráðum ökutækjum um 28 prósent í síðasta mánuði sem mun skrifast á þá ákvörðun stjórnvalda að hætta að niðurgreiða rafbíla um síðustu áramót samkvæmt frétt Svenska dagbladet. Þá stukku ófáir til og pöntuðu sér nýjan rafbíla sem fyrst núna er verið að afhenda. Sala á rafknúnum bílum í Svíþjóð hefur hins vegar minnkað eftir að opinberu álögurnar hækkuðu.

„Tölurnar í ár sýna að kaup á rafbílum hafa dregist meira saman en á öðrum tegundum. Sala á bensín og díselbílum er næstum á pari við síðasta ár. Til að snúa þessari þróun við og styðja við rafvæðingu bílaflotans þá þarf ríkisstjórnin að beita sér fyrir aðgerðum sem snúa að einstaklingum,“ segir framkvæmdastjóri sænska bílgreinasambandsins í tilkynningu.

Nýtt efni

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …