Samfélagsmiðlar

Reiknar með færri Bretum á faraldsfæti

Ferðafólk á Austurvelli í janúar sl.

Yfir vetrarmánuðina eru Bretar fjölmennastir í hópi ferðamanna hér á landi og framboð á flugi héðan frá breskum borgum mikið. Í febrúar næstkomandi eru til að mynda í sölu 17 áætlunarferðir á dag frá Bretlandi til Keflavíkurflugvallar samkvæmt ferðagögnum Túrista.

Til viðbótar ætlar Easyjet að spreyta sig á flugi til Akureyrar í fyrsta sinn því þotur félagsins munu fljúga þangað tvær ferðir í viku frá London frá lokum október og fram í mars.

Forstjóri Ryanair, stærsta flugfélags Evrópu, gerir hins vegar ráð fyrir að eftirspurn eftir flugferðum frá Bretlandi muni dvína á næstunni.

„Fólk er almennt að ströggla hér í Bretlandi, vextir hafa hækkað, orkuverð er hátt og efnahagur landsins ekki á góðum stað. Við megum því reikna með veikari eftirspurn í vetur,“ sagði Micheal O´Leary, forstjóri Ryanair, á blaðamannafundi í London í vikunni.

Hann bætti því við að annars staðar í Evrópu væri eftirspurnin góð og farmiðar almennt dýrari en oft áður. Eins væri fólk farið að bóka flug aðeins fyrr en verið hefur síðustu misseri.

Líkt og Túristi greindi frá í vikunni þá þurfti Ryanair að draga úr framboði á flugi nú í vetur þar sem Boeing flugvélaframleiðandinn nær ekki að afhenda allar þær þotur sem írska flugfélagið hafði reiknað með nú í haust.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …