Hótelkeðjan Accor starfrækir 5.500 hótel í um 110 löndum og nú bætist Ísland við. Undirritaðir hafa verið samningar Accor og samstarfsaðilans Icelandic Hotels & Resorts / Hotels & Resorts – Investment & Development. um að opna nýtt Ibis-hótel þar sem Hótel Múli hefur starfað frá 2016.
Gerðar verða nauðsynlegar breytingar til að mætt sé kröfum keðjunnar og stefnt er að opnun á vormánuðum. Þetta verður annað hótelið sem Accor opnar á Norðurlöndum. Fyrsta hótelið var ibis Styles Copenhagen Ørestad, sem opnað var síðastliðið vor.
„Við erum stolt af því að geta bætt við okkar fyrsta hóteli Accor á Íslandi og horfum bjartsýn fram á veginn,“ er meðal annars haft í fréttatilkynningu eftir Jan Birkelund, sem sinnir þróun og rekstri Accor á Norðurlöndunum. Í sama streng tekur Laurent Michel, stofnandi og framkvæmdastjóri Icelandic Hotels & Resorts / Hotels & Resorts – Investment & Development: „Við erum afskaplega stolt af því að opna fyrsta ibis Styles hótelið á Íslandi með Accor. Landið hefur orðið mjög vinsæll áfangastaður á heimsvísu síðustu ár.“
Meðal þess sem lögð er áhersla á í fréttatilkynningu er hversu nærri hótelið miðborginni og meginleiðinni suður á Keflavíkurflugvöll.