Samfélagsmiðlar

Næst á dagskrá að sækja farangurinn

Nú geta farþegar á leið úr landi sent töskurnar á undan sér út á Keflavíkurflugvöll. Þess verður þó ekki langt að bíða að þjónustan verði aukin enn frekar segir Valgeir Ágúst Bjarnason hjá Bagbee.

Valgeir Ágúst Bjarnason hjá Bagbee.

„Viðtökurnar hafa verið mjög góðar og þeir sem hafa prófað eru himinlifandi. Einkunn okkar á Trustpilot er framúrskarandi og virkilega gaman að sjá hvað BagBee er góð lausn fyrir marga,“ segir Valgeir Ágúst Bjarnason, annar eigenda Bagbee, sem ný býður farþegum upp á að innrita á farangur og flytja hann út á Keflavíkurflugvöll.

Eftirspurnin eftir því að láta sækja farangurinn við komuna til landsins er einnig fyrir hendi. Sérstaklega frá farþegum sem hingað koma frá Asíu að sögn Valgeirs.

„Við bjóðum nú þegar upp á farangursburð og flutning fyrir hópa sem koma til landsins og erum að vinna í því að koma á komuþjónustu fyrir einstaklinga. Í framtíðinni er svo ætlunin að geta boðið upp á að BagBee taki á móti töskunum fyrir viðskiptavini, áður en þær skila sér á færibandið. Við komum svo töskunum upp á hótel eða heim til fólks síðar um daginn.“

Ennþá eru Íslendingar fjölmennari í hópi viðskiptavina fyrirtækisins en Valgeir gerir ráð fyrir að það jafnist út í sumar þegar ferðamannastraumurinn hingað þyngist.

Bagbee hefur til að mynda aukið þjónustuna við hótel og ferðaskipuleggjendur og býður þeim upp á nákvæmari tímasetningar á afhendingum á töskum og eins föstum tímum á ákveðnum hótelum. Þar með geta gestir þeirra bókað þjónustuna með stuttum fyrirvara. „Einnig höfum við náð að hraða mjög innritun hópa,“ bætir Valgeir við.

Nú er mikið framboð á flugi til borga í nágrenni við skíðabrekkur Alpanna og hjá Bagbee fjölgar skíðunum sem flutt eru út á Keflavíkurflugvöll. „Það eru margir sem sjá líka sparnað í þessu því með því að losna við skíðin er hægt að sameinast í bíla út á flugvöll og þannig spara sér bílastæðagjöld á meðan skíðafríinu stendur,“ bendir Valgeir á.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …