Nýir fimmtíu króna seðlar hafa tekið gildi í Danmörku. Þetta er fyrsti seðillinn í röð nýrra peningaseðla í landinu. Þeir sem eiga gamla seðla heima sem borga áttu fyrir smurbrauð í næstu Kaupmannahafnarferð þurfa ekki að örvænta enda gilda þeir gömlu áfram. Reyndar er það svo að danski seðlabankinn skiptir allri danskri mynt sem sleginn er eftir seinna stríð.
Á framhlið nýju peningaseðlanna eru teikningar af brúm en fornmunir, sem fundist hafa í nágrenni við þessar brýr, verða á baksíðu. Lista- og vísindamenn prýða framhliðar gömlu seðlanna sem gefnir voru út árið 1997.
Hvað má gera fyrir fimmtíu danskar krónur í Kaupmannahöfn:
Borða eitt mjög gott smurbrauð á Aamanns
Kaupa tvær góðar smurbrauðssneiðar á Centrum Smørrebrød
Kaupa tvær pylsur með öllu á Kongens Nytorv
Fá gott kaffi og croissant á The Laundromat Café og fá 11 krónur til baka
Drekka tvo bjóra á Bo Bi Bar, sem er kannski þekktasti bar borgarinnar
Túristi – Nýtt efni
Verslað í rólegheitum í London
Verðið lækkar á frönskum veitingahúsum
