Samfélagsmiðlar

Íslensk mamma í Köben leigir túristum barnavörur

Nú geta barnafjölskyldur á leið til Kaupmannahafnar skilið kerruna, bílstólinn og allt hitt barnadótið eftir heima.

Þeim yngstu fylgir oft það mikill farangur að foreldranir verða sjálfir að skammta sér naumt til að komast hjá yfirvigt. Við þungar töskurnar bætast svo kerrur, bílstólar og ferðarúm. Allt saman frekar ómeðfærilegir hlutir sem eiga það til að skemmast í flugi.

Þeir sem eru á leið með ungana til Kaupmannahafnar ættu því kíkja á heimasíðuna Muu.dk þar sem leigja má allt það helsta sem börnin þurfa á að halda í Danmerkurreisunni. Sú sem rekur þessa nýju leigumiðlun er íslensk mamma í Kaupmannahöfn, Christine María Blin, sem þekkir það af eigin raun hversu mikið mál það er að taka með sér barnadót á milli landa.

Tíu prósent afsláttur

Dagleiga á kerrum er frá 19 dönskum krónum (um 400 íslenskar) á meðan bílstólar kosta frá 32 dönskum (685 krónur) en lágmarksleigutími er þrír dagar. Verðið lækkar ef vörurnar eru leigðar í viku eða lengur.

Lesendur Túrista fá 10% afslátt af leigunni hjá Muu.dk. Smellið hér til að fá nánari upplýsingar um tilboðið.

NÝJAR GREINAR: Meirihlutinn vildi morgunmat og nú er hann ókeypisFerðaminningar MugisonsÞetta kostar maturinn um borð

Mynd: Muu.dk

Nýtt efni

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …

Vestanhafs er hefur ekkert flugfélag verið rekið með meiri hagnaði en Delta síðustu ár. Á nýafstöðnum öðrum ársfjórðungi, apríl til júní, voru tekjur félagsins hærri en nokkru sinni áður á þessum hluta árs en aftur á móti var kostnaðurinn líka hærri. Þar með lækkaði hagnaðurinn um 30 prósent á milli ára samkvæmt uppgjöri sem flugfélagið …

Þessa dagana er mikið rætt um samdrátt í íslenskri ferðaþjónustu miðað við síðasta ár en þá er einblínt á að vöxturinn haldi ekki áfram á sama hraða og hann hefur gert eftir heimsfaraldur. Ef bornar eru saman tölur um komur erlendra ferðamanna á fyrstu fimm mánuðum þessa árs miðað við sama tímabil 2019 sést að …

Það fóru 212 þúsund farþegar með erlend vegabréf í gegnum vopnaleitinni á Keflavíkurflugvelli í júní en þessi talning er notuð til að leggja mat á fjölda ferðamanna hér á landi. Í júní í fyrra var þessi hópur 20 þúsund farþegum fjölmennari og miðað við aukið flugframboð á milli ára þá mátti gera ráð fyrir viðbót …