Farmiðar til London og Kaupmannahafnar í byrjun ágúst kosta mun meira nú en á síðasta ári hjá Icelandair og Wow Air. Easy Jet býður hins vegar lægra verð.
Fyrir nákvæmlega ári síðan kostaði ódýrasta farið til Kaupmannahafnar, í annarri viku ágústmánaðar, 32.800 krónur hjá Iceland Express. Í dag er það Wow Air sem býður lægst í þessari viku en verðið er rúmum þrjátíu þúsund krónum hærra en það var í fyrra.
Hjá Wow Air hefur ódýrasti farseðillinn hækkað um 80 prósent milli ára þegar farangursgjöld eru tekin með í reikninginn. Hjá Icelandair nemur hækkunin tæpum helmingi eins og sjá má á töflunni hér fyrir neðan.
Lægstu fargjöld íslensku félaganna til London á tímabilinu 5. til 11. ágúst hafa hækkað um allt að fimmtung frá í fyrra en hjá Easy Jet hafa þau lækkað um fimm af hundraði.
Ódýrustu farmiðar breska félagsins til Lundúna í byrjun október hafa hins vegar hækkað á milli ára. Þá býður Wow Air lægsta farið til London og Kaupmannahafnar en SAS er ódýrast ef ferðinni er heitið til Oslóar (sjá hér).
Þróun fargjalda í viku 32 (5.-11. ágúst) milli ára þegar bókað er með fjögurra vikna fyrirvara
2013 | 2012 | Breyting | |
| London: | |||
| Easy Jet | 44.612 kr. | 47.016 kr. | – 5,1% |
| Icelandair | 65.820 kr. | 54.990 kr. | + 19,7% |
| Wow Air | 45.173 kr. | 38.999 kr. | + 15,8% |
| Kaupmannahöfn: | |||
| Icelandair | 68.570 kr. | 46.850 kr. | + 46,4% |
| Wow Air | 62.903 kr. | 34.860 kr. | + 80,4% |
| Osló: | |||
| Icelandair | 56.380 kr. | – | – |
| Norwegian | 54.029 kr. | – | – |
| SAS | 61.606 kr. | – | – |
Túristi hefur gert mánaðarlegar verðkannanir á flugi til Kaupmannahafnar og London í rúmt ár en Osló bættist við nýlega. Það er því ekki til samanburður á fargjöldum til Osló milli ára. Í verðkönnununum eru fundin ódýrustu fargjöldin, báðar leiðir, innan ákveðinnar viku og farangurs- og bókunargjöld eru tekin með í reikninginn.
Á næstu síðu má sjá þróun verðgjalda í viku 40 og hvaða félög bjóða lægstu fargjöldin til Kaupmannahafnar, London og Osló í byrjun október. Smelltu hér.
HÓTEL: Berðu saman verð á ódýrum hótelum út um allan heim
BÍLALEIGUBÍLAR: Bókaðu bílaleigubíl fyrir sumarfríið
