Samfélagsmiðlar

Fargjaldið á Parísarleikinn á EM hefur þrefaldast frá áramótum

paris Ile de la cite

Í byrjun árs var hægt að bóka flug til Parísar í júní á rúmar 10 þúsund krónur en nú er staðan gjörbreytt. Í byrjun árs var hægt að bóka flug til Parísar í júní á rúmar 10 þúsund krónur en nú er staðan gjörbreytt.
Franska lággjaldaflugfélagið Transavia hefur síðustu ár flogið nokkrar ferðir í viku milli Parísar og Íslands yfir sumarmánuðina. Í nóvember setti félagið Íslandsflug sitt fyrir þetta ár í sölu en ferðirnar í júní, þegar Evrópumótið í knattspyrnu fer fram í Frakklandi, voru hins vegar ekki bókanlegar þá. Sala á þeim hófst um áramót og líkt og Túristi greindi frá þá kostuðu allar brottfarirnar í júní annað hvort 10.700 krónur eða 12.100 krónur (76 eða 86 evrur). Þeir sem þá keyptu far til Parísar í kringum leik Íslands þar í borg 22. júní komust til dæmis báðar leiðir fyrir innan við 29 þúsund krónur. Núna eru þessi ódýrustu fargjöld ekki lengur í boði og farmiðarnir hækkað verulega í verði. Í dag kostar til að mynda farmiði til Parísar með Transavia, dagana 21.- 24. júní, 89.350 krónur sem er þrefalt hærra verð en þann 4. janúar síðastliðinn. 

Ódýrara að fara í gegnum Brussel

Icelandair og WOW air fljúga allt árið um kring héðan til Parísar en ódýrustu farmiðar félaganna í kringum leikina á EM kosta líka á bilinu 70 til 100 þúsund krónur. Hins vegar má finna flugmiða með Icelandair til Brussel dagana fyrir leikinn þann 22.júní á um 23 þúsund krónur. Á milli borganna tveggja gengur hraðlest nokkrum sinnum á dag og kostar farið um 4100 krónur og tekur ferðalagið einn og hálfan tíma. Heimflugin frá Brussel eru mörgum tilfellum nokkru ódýrari en frá París. 

París í haust

Síðustu ár hefur Transavia aðeins flogið hingað til lands fram í byrjun september en á því verður breyting í ár þegar síðasta ferðin verður farin í lok október. Brottfarir félagsins frá Keflavíkurflugvelli eru hins vegar allar eftir miðnætti og farþegar eru því á ferðinni yfir hafið yfir nóttina og lenda árla dags á Orly flugvellinum við París.

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …