Samfélagsmiðlar

Verður Hvassahraunsflugvöllur „ICE“?

Ef forsvarsmenn Icelandair ákveða að hefja framkvæmdir við nýjan flugvöll í Hvassahrauni þá þarf að finna honum einkennisstafi.

icelandair 767 757

Allir flugvellir eru með þriggja stafa kóða sem gefinn er út af IATA, alþjóðasamtökum flugfélaga. Þannig stendur KEF fyrir Keflavíkurflugvöll, Akureyrarflugvöllur er AEY og sá í Vatnsmýrinni er RKV. RVK er hins vegar notað fyrir flugvöllinn í Rørvik í Noregi. Allt eru þetta einkennisstafir sem sækja í staðarheitin líkt og gerist og gengur víða um heim. En hvaða þriggja stafa auðkenni væri hægt að nota um flugvöll í Hvassahrauni en samkvæmt frétt Fréttatímans þá ætla stjórnendur Icelandair Group að kanna möguleika á uppbyggingu nýs flugvallar í hrauninu en Rögnunefndin svokallaða mælti einnig með þessari staðsetningu í áliti sínu sem birt var í fyrra.  

ICE og HFJ á lausu

Ekki væri hægt að nota fyrstu þrjá stafina í heiti Hvassahrauns í nýja kóðanum því HVA er frátekið í skrá IATA fyrir flughöfnina í Analalava á Madakaskar. Og ef kenna ætti völlinn við nærliggjandi sveitarfélög, þ.e. Voga eða Hafnarfjörð þá er kóðinn VOG í dag notaður fyrir flughöfnina í Volgograd í Rússlandi og Kaliforníuflugvöllurinn við Half Moon Bay er með einkennistafina HAF. Hinsvegar er HFJ á lausu. En þar sem það er flugfélagið Icelandair sem kannar uppbyggingu við Hvassahraun liggur kannski beinast við að kenna völlinn við flugfélagið sjálft og svo heppilega vill til að enginn flugvöllur í heiminum notast við IATA-heitið ICE. Forsvarsmenn Icelandair ættu því kannski að hafa hraðar hendur og tryggja sér þennan flugvallarkóða sem fyrst og geta þannig tengt flugvöllinn, líkt og flugfélagið sjálft, við heiti landsins.

Flugfélögin fljúga ekki til Keflavíkur

Sem fyrr segir er KEF kóðinn fyrir Keflavíkurflugvöll. Þessi helsta samgöngumiðstöð landsins er þó langoftast kennd við Reykjavík, ekki bara af erlendum flugfélögum og flugstöðvum heldur líka íslensku flugfélögunum líkt og Túristi greindi frá. Staðarheitið „Keflavik“ er þannig ekki að finna á erlendum heimasíðum Icelandair og hjá WOW er aðeins hægt að bóka flug til Reykjavik en ekki Keflavíkur. Í fyrrnefndri skrá IATA segir líka að flugvallarkóðinn KEF eigi við Keflavik Airport í Reykjavik en ekki Sandgerði eða Reykjanesbæ.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …