Samfélagsmiðlar

Vinsælustu ferðamannastaðirnir í Danmörku

tivoli taeki

Þeir 10 staðir sem flestir heimsóttu í Danmörku.
Þrátt fyrir að framboð á flugi frá Íslandi aukist hratt þá var Kaupmannahöfn sú borg sem oftast var flogið til frá Keflavíkurflugvelli í síðasta mánuði. Vissulega eru það ekki bara íslenskir farþegar sem sitja í þessum vélum en þessar miklu flugsamgöngur sýna hins vegar vel hversu sterkt tengsl þjóðanna eru. Í Danmörku búa líka þúsundir Íslendinga og íslenskir ferðamenn eru þar miklu fleiri en til að mynda í Noregi og Svíþjóð. Það er því ekki ólíklegt að ófáir Íslendingar hafi farið í tækin í Tívolí í Kaupmannahöfn í fyrra, kynnt sér listina á Louisiana safninu, farið upp í Rundetårn eða kubbað í Legolandi. En allir þessir staðir eru á lista yfir vinsælustu áfangastaði ferðamanna í Danmörku eins og sjá má hér fyrir neðan.

Vinsælustu ferðamannastaðir Danmerkur árið 2015

1. Tívolí, 4,7 milljónir gesta
2. Dyrehavsbakken við Kaupmannahöfn, 2,7 milljónir gesta
3. Legoland við Billund, 1,7 milljónir gesta
4. Dýragarðurinn í Kaupmannahöfn, 1,1 milljónir gesta
5. Djur Sommerland skemmtigarðurinn á A-Jótlandi, 800 þúsund gestir
6. Louisiana listasafnið á N-Sjálandi, 725 þúsund gestir 
7. Lalandia skemmtigarður í Billund, 636 þúsund gestir
8. Den Blå Planet, sjávardýrasafn í Kaupmannahöfn, 603 þúsund gestir
9. Faarup Sommerland á N-Jótlandi, 588 þúsund gestir.
10. Rundetårn í Kaupmannahöfn, 580 þúsund gestir
Samkvæmt frétt Standby.dk fjölgaði gestum mest í Djurs Sommerland eða um 14 prósent en samdrátturinn var mestur í hinu nýja sjávardýrasafni í Kaupmannahöfn.

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …