Samfélagsmiðlar

WOW verður eina evrópska flugfélagið í Pittsburgh

Ef frá eru taldar sumarferðir til Parísar þá er ekkert beint flug í boði yfir hafið frá 20. fjölmennasta þéttbýlissvæði Bandaríkjanna. Á því verður hins vegar breyting með komu WOW air og því fagnar ferðaþjónustan í Pittsburgh.

pittsburgh a

„Við erum mjög spennt fyrir því að bjóða WOW velkomið til Pittsburgh og þar með fá beint flug yfir hafið allan ársins hring. Um leið gefst tækifæri til að taka á móti íslenskum gestum hér í þessari frábæru borg,“ segir Tom Loftus, talsmaður ferðamálaráðs Pittsburgh, aðspurður um þýðingu þess að fá heilsárs áætlunarflug frá Evrópu til borgarinnar. „Þetta er mikilvægt skref fyrir ferðaþjónustuna því þetta gerir okkur kleift að laða til okkar fleiri erlenda gesti. Við trúum því nefnilega að þegar leiðin til Pittsburgh opnast þá komi fólk og falli fyrir fegurðinni, útivistarmöguleikunum, menningunni og öllu hinu.“

Matur og Warhol

Það er óhætt fullyrða að íslenskir ferðamenn hafi hingað til verið sjaldséðir í Pittsburgh, fæðingarborg listamannsins Andy Warhol og heimavallar Heinz tómasósunnar. En það breytist sennilega með bættum flugsamgöngum. En hvaða er það í borginni sem Loftus mælir sérstaklega með að íslenskir túristar upplifi í sinni fyrstu heimókn til Pittsburgh? „Fólk ætti klárlega að heimsækja Andy Warhol safnið sem er eitt fjögurra safna sem heyra undir Carnagie Museums of Pittsburgh. Svo myndi ég mæla með kláfnum upp á Washington fjall þaðan sem útsýnið yfir borgina er stórfenglegt. Pittsburgh var svo nýverið valin matarborg Bandaríkjanna af Zagat og því myndi ég mæla með heimsókn á fínan veitingastað eða fá sér bita af hinni frægu Primati samloku sem er toppuð með frönskum og hrásalati.

Ekki lengur stálborg

Pittsburgh tilheyrir Pennsylvaníu fylki sem er í norðausturhluta Bandaríkjanna. Hingað til hefur ekkert verið flogið þangað frá Íslandi en næsta vor ætlar Icelandair einnig að spreyta sig á þessu svæði með áætlunarflugi til Philadelpia sem er fjölmennasta borg Pennsylvaníu. Loftus segir að þó borgirnar tvær séu vissulega í sama fylki þá sé langt á milli þeirra og til að mynda taki það sex tíma að keyra á milli enda sé Philadelphia við austurströndina en Pittsburgh inn í landi. „Pittsburgh hefur gengið í gegnum ótrúlega endurnýjun og er ekki lengur borg stáliðnaðarins. Í dag eru hún þekkt fyrir tækni- og lyfjageirann, menntakerfið, orkuiðnaðinn, íþróttir og túrisma. Borgin var til að mynda á lista ferðaritsins Travel+Leisure yfir bestu áfangastaði ársins í ár.“
WOW air fer jómfrúarferð sín til Pittsburgh í byrjun sumars og mun fljúga þangað fjórum sinnum í viku.
Uppfært: Í dag tilkynnti þýska flugfélagið Condor að næsta sumar myndi félagið bjóða upp á sumarferðir frá Frankfurt til Pittsburgh. Þar með verða evrópsku flugfélögin tvö í Pittsburgh en WOW það eina sem heilsársflug til borgarinnar.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …