Samfélagsmiðlar

Bjarnheiður býður sig fram til formanns SAF

Forsvarsfólk ferðaþjónustunnar velur sér nýjan formann í næsta mánuði og nú eru tveir frambjóðendur komnir fram.

Bjarnheiður Hallsdóttir

Bjarnheiður Hallsdóttir, framkvæmdastjóri ferðaskrifstofunnar Katla DMI, ætlar að sækjast eftir formannsembættinu í Samtökum ferðaþjónustunnar. En Grímur Sæmundsen sem verið hefur forsvari fyrir samtökin síðustu fjögur ár ætlar að láta staðar numið á aðalfundi þeirra sem fer fram eftir rúmar þrjár vikur.

Bjarnheiður segir ástæðuna fyrir framboðinu sínu vera fyrst og fremst þá að hún hafi rekið ferðaþjónustufyrirtæki í rúm 20 ár og að ferðaþjónusta hafi verið hennar aðalstarf og jafnframt hennar helsta áhugamál. „Ég hef fengið tækifæri til að koma að greininni frá mörgum hliðum, meðal annars við stefnumótunarvinnu fyrir landshluta og sveitarfélög, starfa í ýmsum ráðum og nefndum auk kennslu, bæði við Ferðamálaskólann í Kópavogi og við Háskóla Íslands. Ég ber hag þessarar atvinnugreinar mjög fyrir brjósti og langar til að leggja mitt af mörkum á afgerandi hátt á þessum vettvangi atvinnurekenda. Til þess að tryggja veg hennar og vanda í framtíðinni,” segir Bjarnheiður.

Að mati Bjarnheiðar stendur ferðaþjónustan frammi fyrir mörgum stórum úrlausnarefnum um þessar mundir og því mikilvægt að framsýni og  fagmennska séu viðhafðar bæði hjá fyrirtækjum og ríkisvaldinu við allar ákvarðanir.

Aðpurð um stöðu SAF í dag og framtíðarýn hennar fyrir samtökin þá segir Bjarnheiður að forysta SAF hafi undanfarin ár gert margt mjög gott og eftirtektarverkt. „Ég myndi þó vilja efla innra starf samtakanna enn meira, meðal annars með því að gefa fagnefndum miklu meira vægi og auka samstarfið á milli nefndanna og stjórnarinnar. Einnig myndi ég vilja að SAF tæki sér meira pláss og taki oftar frumkvæði í umræðunni um ferðaþjónustu á landinu sem því miður á það til að vera neikvæðum nótum. Það er lífsnauðsynlegt fyrir ferðaþjónustuna að hún sé í sátt við íbúa og þeir séu sér meðvitaðir um hagrænt gildi hennar. SAF þarf að standa vörð um að rekstarumhverfi greinarinnar sé gott og samkeppnishæft  og ætti að efla samstarf og samræðu við stjórnvöld enn frekar en nú er gert. Bæði hvað varðar rekstarskilyrði fyrirtækjanna sem og mörg önnur mál eins og t.d. skipulagsmál og umhverfismál.”

Þórir Garðarsson, núverandi varaformaður, hefur áður tilkynnt að hann óski einnig eftir formannssætinu. Framboðsfrestur rennur út tveimur vikum fyrir aðalfund SAF sem fer fram þann 21. mars.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …