Samfélagsmiðlar

Farþegum Icelandair fækkaði um 5 þúsund

Í nýliðnum apríl fækkaði farþegum Icelandair um tvo af hundraði og skýringinu er meðal annars að finna í færri erlendum ferðamönnum á leið til Íslands.

Framboð á ferðum á vegum Icelandair jókst um 8 prósent í apríl samanborið við sama tíma í fyrra. Farþegunum fækkaði hins vegar um 2 prósent og þar með var sætanýting félagsins nokkru verri en í apríl í fyrra. Þá voru páskarnir í þeim mánuði og það hefur áhrif samkvæmt því sem kemur fram í tilkynningu frá Icelandair Group. Þar sem segir jafnframt að megin skýringin á þessari neikvæðu þróun sé sú að farþegum á leið til Íslands fækkaði og það sama átti við um íslenska farþega á leið til útlanda. Hins vegar var viðbót í fjölda tengifarþega en þeir eru rúmur helmingur allra þeirra sem nýta sér áætlunarferðir flugfélagsins.

Í kauphallartilkynningu Icelandair Group kemur fram að farþegum Air Iceland Connect fjölgaði frá apríl í fyrra en þó hlutfallslega minna sem nam aukningu framboðs. Sama þróun var hjá hótelum fyrirtækisins því gestirnir voru fleiri en viðbótin hélst ekki í hendur við nýju herbergin sem eru aðallega tilkomin vegna Reykjavik Konsulat hótelsins sem opnaði í mars.

 

 

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hagnaðurinn á milli ára. Tekjur félagsins námu 14,5 milljörðum króna og jukust um 30% milli ára og var EBITDA félagsins 3,1 milljarður króna og jókst um fjórðung. „Við erum afar stolt af þeim árangri sem náðist í rekstri félagsins á síðasta ári …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …