Samfélagsmiðlar

Meðalfargjaldið hríðlækkaði

Það kostaði mun minna að fljúga með hinu norska Norwegian í apríl en á sama tíma í fyrra. Það er ekki ólíklegt að þróunin hafi verið sambærileg hjá íslensku flugfélögunum enda eiga þau mikilli samkeppni við norska flugfélagið.

norwegian 3

Það hefur sjaldan eða aldrei verið eins ódýrt að fljúga milli Evrópu og N-Ameríku og ein helsta skýringin á því er hið stóraukna Atlantshafsflug norska lággjaldaflugfélagsins Norwegian. Vissulega hefur WOW air einnig haft þar sitt að segja og nýverið hóf svo Primera Air, sem er í eigu Andra Más Ingólfssonar, að fljúga milli heimsálfanna tveggja og markaðssetur sig sem lággjaldaflugfélag. Um áratuga skeið hefur svo Icelandair gert út á ódýrari farmiða yfir hafið og er flugfélagið því reglulega sett í flokk lággjaldafélaga í ferðapressunni vestanhafs.

Þessi íslensku og skandinavísku flugfélög eiga svo í samkeppni við fjölda annarra í fólksflutningum yfir hafið og það setur pressu á fargjöldin. Þá stöðu nýta sér margir líkt og sést á fjölgun farþega og tölum um sætanýtingu en þær hafa verið mjög háar síðustu misseri. Og það virðist lítið lát ætla að verða á verðlækkununum því samkvæmt uppgjöri Norwegian fyrir nýliðinn apríl þá lækkuðu fargjöld félagsins um 16% frá sama tíma í fyrra. Þetta umtalsverð breyting á milli ára þó páskarnir hafi þarna einhver áhrif. Þeir voru nefnilega um miðjan apríl í fyrra en yfir mánaðarmótin mars og apríl í ár.

Hvort meðalfargjöldin hjá Icelandair og WOW air hafi þróast á sambærilegan hátt fáum við sennilega ekki að vita þegar félögin senda út sínar tölur fyrir apríl.  Forsvarsmenn íslensku flugfélaganna birta nefnilega ekki eins ítarlegar upplýsingar um þróun fargjalda milli mánaða og tíðkast hjá skandinavísku flugfélögunum. Hitt er þó vitað að eldsneytisreikningur flugfélaganna hefur hækkað verulega því í dag er olíuverðið hærra en það hefur verið í nærri fjögur ár. Ennþá er það þó ekki farið að skila sér út í farmiðaverðið hvað svo sem gerist síðar meir.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …