Samfélagsmiðlar

Beðið eftir skýrum svörum frá Ballarin og skiptastjórum

Staðan á þrotabúi WOW air, sem skilgreint var sem kerfislega mikilvægt fyrirtæki af íslenskum stjórnvöldum, er óljós miðað við fréttir vikunnar. Þeir sem svörin hafa tjá sig ekki um málið.

Eins og staðan er núna er óljóst hvort WOW taki á loft á ný undir stjórn Michele Ballarin.

Tveggja opnu viðtöl munu ekki vera algeng í Morgunblaðinu en eitt slíkt var í blaðinu á miðvikudag þar sem Michele Ballarin fór yfir fyrirætlanir sínar um endurreisn WOW air í „ítarlegu einkaviðtali.“ Í inngangi þess kom reyndar fram að þvert á fyrri fréttir af kaupum Ballarin og félaga hjá US Aerospace, á helstu eignum þrotabús WOW air, þá væri ekki búið að greiða kaupverðið. Öfugt við það sem Fréttablaðið hafði eftir skiptastjóra þrotabúsins fyrr í mánuðinum. Af lestri Moggaviðtalsins að dæma þá var viðmælandinn ekki spurður úti þetta veigamikla atriði.

Morgunblaðið tekur svo upp þráðinn í dag og segir að kaupum Ballarin úr þrotabúi WOW hafi verið rift vegna vanefnda kaupenda. Áður hefur komið fram að deilt er um möguleika þrotabússins að standa við allan kaupsamninginn. Samkvæmt frétt Morgunblaðsins í dag þá mun kaupverðið nema um 180 milljónum króna. Það er um það bil einn hundraðshluti af þeim rúmu 12 milljörðum sem Ballarin, sagði við Moggann, að hún og viðskiptafélagar hennar ætluðu að setja í endurreisn WOW air.

Líkt og Túristi hefur í tvígang fjallað um þá vöktu framtíðaráform Ballarin fyrir WOW air furðu meðal viðmælenda Túrista sem vel þekkja til flugreksturs. Eins sú staðreynd að hún fékk athugasemdalaust að halda því fram í Mogganum að krónan hefði hrunið um 30 prósent. Í viðtalinu lýsti hún því jafnframt yfir að flugmálayfirvöld í Washington borg í Bandaríkjunum væru „ótrúlega spennt“ yfir því að endurreist WOW air ætli að opna starfsstöð á Dulles flugvelli. Þar mun US Aerospace vera með skrifstofur í dag. Flugmálayfirvöld í bandarísku höfuðborginni kannast þó ekki við þessar áætlanir  líkt og Túristi hefur greint frá.

Páll Ágúst Ólafsson, lögmaður US Aerospace hér á landi, hélt því hins vegar fram í gær á Vísi að „víst“ væri verið að vinna með flugmálayfirvöldum í bandarísku höfuðborginni.

Hann færði þó engar frekari sönnur á málið. Svarið var þó skýrt sem Túristi fékk í fyrradag frá Metropolitan Washington Airport Authorities, sem svarar fyrir Dulles flugvöll, varðandi þetta atriði: „The Airports Authority is not affiliated with, nor does it have any knowledge of, US Aerospace Associates or Ms Ballarin’s organization. All questions regarding their plans should be directed to them. Unfortunately, we do not have contact information.“

Túristi hefur óskað eftir nánari útskýringum frá Ballarin á nokkrum af þeim atriðum sem hún nefndi í viðtalinu en svör hafa ennþá ekki borist. Á sama hátt hefur Sveinn Andri Sveinsson, annar af skiptastjórum WOW air, ekki svarað fyrirspurnum um stöðuna. Ennþá stendur því fullyrðing hans um að kaupverðið hafi verið greitt líkt og Fréttablaðið hafði eftir honum fyrir hálfum mánuði síðan.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …