Samfélagsmiðlar

57 flugferðir í viku hverri til London

Í vetur dregur þónokkuð úr flugi héðan til bresku höfuðborgarinnar og nú verður flogið til þriggja flugvalla í nágrenni við borgina í stað fimm.

british airways londoncity

Íslandsflug frá London City flugvelli hefur verið lagt niður.

London hefur verið sú borg sem oftast er flogið til frá Keflavíkurflugvelli og eru ferðirnar vanalega flestar yfir háveturinn þegar breskir ferðamenn eru hér flestir. Þannig komu um fjórum sinnum fleiri Bretar hingað til lands í febrúar í ár en í júní samkvæmt talningu Ferðamálastofu. Í febrúar voru samtals farnar 75 áætlunarferðir í viku hingað frá fimm mismunandi flugvöllum á Lundúnarsvæðinu. Í ár stefnir í 57 ferðir frá þremur flugvöllum samkvæmt talningu Túrista.

Á þessu geta ennþá orðið breytingar og til marks um það þá var upphaflega gert ráð fyrir 82 ferðum í viku hingað frá London síðastliðinn febrúar en svo hætti Norwegian við vetrarflug hingað frá Gatwick flugvelli og ekkert var af daglegum brottförum Wizz Air frá Luton. Þotur þessa ungverska lággjaldaflugfélagsins flugu í staðinn hingað fjórum sinnum í viku.

Á tímabili voru áform hjá Wizz Air um daglegar ferðir hingað frá London á komandi vetri en af því verður ekki. Og nú hafa stjórnendur British Airways einnig gert breytingar á sinni vetraráætlun líkt og sagt var fyrst frá á vef Routes Online. Þar segir að vetrardagskrá British Airways geri ráð fyrir sjö brottförum í viku til Íslands frá Heathrow í stað ellefu. Þessu til viðbótar hefur breska flugfélagið lagt niður flug hingað frá London City. Í svari við fyrirspurn Túrista segir að British Airways fjölgi ferðum til vinsælustu áfangastaðanna frá þeim flugvelli á kostnað Íslandsflugsins.

Þar með geta farþegar sem fara um London City ekki lengur flogið beint hingað til lands og það munu farþegar á Stansted flugvelli ekki heldur geta því líkt og Túristi hefur áður greint frá þá hefur easyJet lagt niður allt Íslandsflug þaðan. WOW air hugðist koma sér fyrir á þeim flugvelli eftir að hafa selt afgreiðslutíma sína á Gatwick flugvelli.

En eins og staðan er núna þá geta þeir sem ætla að fljúga milli London og Íslands í vetur valið á milli 57 áætlunarferða í viku þegar umferðin nær hámarki í vetur. Það er álíka ferðafjöldi og fyrir fjórum árum síðan.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …