Samfélagsmiðlar

Halda sig við sumarferðir til Ísland

Tíunda sumarvertíð bandaríska flugfélagsins Delta er handan við hornið. Aftur gerir félagið hins vegar hlé á ferðunum hingað frá hausti og fram á vor.

Þota Delta flugfélagsins á Keflavíkurflugvelli. Fyrsta sumarið sem félagið flaug til Íslands þá fjölgaði bandarískum ferðamönnum um 63 prósent.

Bandaríska flugfélagið Delta Air Lines byrjar að fljúga frá Íslandi til New York 2. apríl næstkomandi eftir fimm mánaða vetrarhlé. Ferðir Delta til Minneapolis hefjast svo 21. maí næstkomandi.

Til New York verður flogið fimm daga í viku fram til 22. maí en eftir það alla daga vikunnar. Til Minneapolis verða flugferðir daglega fram yfir fyrstu viku september.

Þetta er tíunda árið í röð sem Delta Air Lines flýgur milli Íslands og Bandaríkjanna. Frá upphafi hefur verið flogið til New York, en Minneapolis bættist við 2016. Það ár hóf Delta jafnframt að fljúga allan ársing hring til New York, en gerði hlé á vetrarferðunum síðastliðið haust. Fyrsta sumarið sem Delta flaug til Íslands þá fjölgaði bandarískum ferðamönnum hér á landi um 63 prósent samkvæmt talningu Ferðamálastofu.

Líkt og fyrri ár er flogið milli Íslands og Bandaríkjanna með Boeing 757 þotum Delta. Wi-fi tenging við internetið er í boði á flugleiðunum, svo og afþreyingarkerfi fyrir alla farþega. Innifalið í fargjaldi eru allar máltíðir, drykkir, innritaður farangur, handfarangur og sætaval samkvæmt því sem fram kemur í tilkynningu.

Þar segir jafnframt að brottfarartími Delta frá Keflavíkurflugvelli hafi þótt henta íslenskum ferðalöngum sérstaklega vel, en ýmist er farið í loftið rétt fyrir klukkan 9 eða 11 að morgni.

„Vegna tímamismunar er lent á áfangastað í Bandaríkjunum um hádegisbil. Frá flugvöllunum í New York og Minneapolis er val um tengiflug samdægurs til rúmlega 80 áfangastaða í Norður-Ameríku, Suður-Ameríku og karabíska hafinu,“ segir í tilkynningu.

Nýtt efni

Stjórnendur rafbílaframleiðandans Tesla leita nú leiða til að draga úr kostnaði og horfa þeir til þess að segja upp 14 þúsund starfsmönnum eða um 10 prósent af vinnuaflinu. Þetta kemur fram í tölvupósti sem forstjóri félagsins, Elon Musk, sendi til starfsfólks samkvæmt frétt sem fagritið Electrek birti í morgun. „Ég hata ekkert meira en þetta …

Stefnt er að því að á hótelinu verði veitingastaður, ráðstefnu- og veislusalur ásamt heilsulind. Síðan er ætlunin að stækka Skógarböðin og tengja þau hótelinu.  Samkvæmt fréttatilkynningu er um að ræða fimm milljarða króna fjárfestingu. Áætlað er að hótelið verði opnað eftir tvö ár, vorið 2026.  „Þetta er virkilega spennandi verkefni sem við hjá Íslandshótelum hlökkum …

Hver hlutur í Icelandair kostaði fyrir opnun Kauphallarinnar í morgun 1 krónu og fjóra aura. Verðið hefur ekki verið svona lágt síðan í nóvember árið 2020 en þá hafði félagið nýverið efnt til hlutafjárútboðs þar sem sölugengið var 1 króna á hlut. Í dag er markaðsvirði Icelandair 43 milljarðar króna og hefur það lækkað um …

Stafræna byltingin gerði fjarvinnu auðveldari og heimsfaraldurinn festi það vinnufyrirkomulag í sessi. Stór og vaxandi hópur fólks nýtir sér þá möguleika sem felast í þessu frelsi - að geta unnið verk sín eiginlega hvar sem er í heiminum, skila unnum verkum af sér án þess að mæta á tiltekinn stað á tilgreindum tíma. Áætlað er …

Sigurð Örn Ágústsson, fyrrum forstjóri Bláfugls, hefur verið ráðinn framkvæmdastjóri viðskiptaþróunar hjá Play. Um er að ræða nýtt svið innan flugfélagsins og verður Sigurður Örn hluti af framkvæmdastjórn flugfélagsins sem nú telur átta manns, einum fleiri en í yfirstjórn Icelandair. Í tilkynningu segir að Sigurður Örn muni hafa það hlutverk að leiða frekari þróun þvert …

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …