Samfélagsmiðlar

Segir áhugavert að sjá hver útfærslan á aðgerðum ríkisstjórnarinnar verður

Útbreiðsla kórónaveirunnar hefur haft gríðarleg áhrif á hagkerfi heimsins og ekki síst á ferðaþjónustuna eins og fram kom í máli forsvarsfólks ríkisstjórnarinnar í dag þar sem aðgerðir til stuðnings greininni voru viðraðar. Framkvæmdastjóri SAF segir afar jákvætt að þetta skref sé stigið.

Ferðafólk í Reykjavík.

Við fögnum þessum tillögum sem ríkisstjórnin kynnti fyrr í dag,“ segir Jóhannes Þór Skúlason, framkvæmdastjóri Samtaka ferðaþjónustunnar, um þær aðgerðir sem ríkisstjórnin samþykkti á fundi sínum í morgun að grípa til. Þar er meðal annars horft til tímabundins afnáms á gistináttaskatti og samstarfs við fjármálageirann um að „veita lífvænlegum félögum súrefnis sem eiga við lausafjárskort að stríða“ eins og Bjarni Benediktsson, fjármálaráðherra, komst að orði á blaðamannafundi fyrr í dag. Markaðsátak á Íslandi sem áfangastað er einnig í vinnslu.

„Með þessum tillögum gefur ríkisstjórnin afdráttarlaust út að hún stendur með atvinnulífinu í landinu til þess að minnka efnahagslegar og samfélagslegar afleiðingar þessa faraldurs sem við stöndum frammi fyrir. Þetta er afar jákvætt og það verður áhugavert og mikilvægt að sjá hvernig útfærslan verður á þessum aðgerðum. Atvinnulífið er að sjálfsögðu tilbúið að vinna með stjórnvöldum á allan þann máta sem mögulegt er til þess að finna út úr því,“ segir Jóhannes Þór.

Hann ítrekar að staðan í dag sé alvarleg og þegar farin að hafa töluvert mikil áhrif á fyrirtækin. Þannig eru nýbókanir í algjöru lágmarki. „Við erum núna stödd á helsta bókunartímabilinu fyrir háönn ferðaþjónustunnar fyrir sumarið. Ef þetta stendur mjög lengi þá mun það hafa grafalvarleg áhrif á háönn ferðaþjónustunnar og þar með á stöðu fyrirtækja í ferðaþjónustu,“ bætir Jóhannes Þór við.

Nýtt efni

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …