Samfélagsmiðlar

Fella niður sjöundu hverju flugferð

Norska lággjaldaflugfélagið Norwegian er í mikilli krísu og biðlar nú til norskra stjórnvalda. Félagið hefur ennþá ekki hafið sölu á sólarlandaflugi héðan næsta vetur.

Nú í vetur hafa þotur Norwegian flogið reglulega frá Keflavíkurflugvelli til Tenerife, Las Palmas, Madrídar, Alicante, Barcelona og Óslóar. Komandi sumaráætlun félagsins gerir svo ráð fyrir áætlunarflugi héðan til Alicante, Barcelona og Ósló. Hvort brottförum á þessum flugleiðum verður fækkað á eftir að koma í ljóst því fyrr í dag tilkynntu stjórnendur Norwegian að um þrjú þúsund ferðum yrði aflýst frá og með næstu viku og fram í miðjan júní. Ástæðan er minnkandi eftirspurn í kjölfar útbreiðslu kórónaveirunnar.

Í tilkynningu frá Norwegian er haft eftir Jacob Schram, forstjóri félagins, að núverandi staða sé þung fyrir allan fluggeirann. „Við skorum á stjórnvöld að leita samstundis leiða til að draga úr fjárhagslegum skaða fyrir flugfélögin og um leið standa vörð um mikilvæga innviði og fjölda starfa,“ segir Schram. Vísar hann þar meðal annars til sérstaks flugskatts sem er í gildi í Noregi.

Schram bætir því við að vegna þess hve niðurskurðurinn er mikill að þá þurfi samhliða honum að segja upp starfsmönnum. Norwegian er ekki fyrsta stórfyrirtækið í norskri ferðaþjónustu sem grípur til þeirra ráða. Petter Stordalen, umsvifamesti hóteleigandi Noregs, hefur einnig boðað hópuppsagnir vegna þess mikla samdráttar sem nú er að eiga sér stað vegna nýju kórónaveirunnar.

Þess má geta að Norwegian hefur ennþá ekki hafið sölu á ferðum héðan til Kanaríeyja næsta vetur. Leiguflug á vegum Icelandair er því ennþá eini valkosturinn sem í boði er en þó bera að hafa huga að Tenerife er einn þeirra áfangastaða sem Play setur stefnuna á. Það fyrirtæki er þó ekki ennþá komið með flugrekstrarleyfi.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …