Samfélagsmiðlar

Lausn við einu af vandamálum ferðaþjónustunnar

Ný íslensk tæknilausn bíður þess að komast í notkun þegar ferðalög milli landa verða eðlileg á nýjan leik.

Þór Sigurðsson er stofnandi og framkvæmdastjóri hugbúnaðarfyrirtækisins Expluria.

Þegar til landsins komu þúsundir ferðamanna á degi hverjum þá var ekki óalgengt að hálfgerð mannþröng myndaðist þar sem ferðafólk var sótt fyrir skoðunarferðir. Sérstaklega við hótelin þegar þangað komu rútur úr öllum áttum til að sækja farþega sem voru á leið í norðurljósaferðir. Þá þurftu bílstjórar og ferðamenn að finna hvern annan sem gat stundum reynst erfitt í mannþrönginni. 

Þegar ferðafólk fer að streyma til landsins á ný eftir heimsfaraldrinum lýkur þá gæti þetta vandamál verið úr sögunni. Ástæðan er tæknilausn sem frumkvöðullinn Þór Sigurðsson hefur þróað og gefið nafnið Expluria

„Hugmyndin kviknaði fyrir um tveimur árum síðan en þá hafði ég fengið töluverða reynslu af því að sækja ferðamenn niður í miðbæ Reykjavíkur og upplifað stressið sem því fylgir. Ekki bara fyrir bílstjórann sem hefur skamman tíma heldur líka ferðafólkið sem oft er búið að bíða í þrjátíu til fjörutíu mínútur. Einnig fylgir þessu álag fyrir starfsmenn ferðaþjónustufyrirtækisins sem eru í sambandi við viðskiptavinina í síma og reyna að auðvelda þeim að finna rétta rútu. Expluria leysir þennan vanda en kerfið samanstendur af vef og tveimur mismunandi öppum, einu fyrir bílstjórann og öðru fyrir ferðamanninn. Kerfið segir honum hvert hann verður sóttur og númerið á farartækinu sem hann er bókaður með. Síðan fær gesturinn skilaboð þegar 500 metrar eru í bílinn,“ útskýrir Þór.

Eyðir óvissunni í tengslum við ferðirnar

Hann segir að með Expluria hverfi í raun öll óvissan sem snýr að því að sækja ferðamenn og það ætti að auka ánægju ferðafólksins. „Ég átti samtöl við fjölda ferðamanna um upplifun þeirra af þessari bið og óvissunni sem henni getur fylgt. Einnig hitti ég ferðaþjónustuaðila og starfsfólk hótela sem öll voru sammála um að Expluria lausnin myndi breyta upplifun ferðamanna og létta álagið á ferðaþjónustunni. Staðreyndin er sú að á hótelunum getur myndast örtröð á morgnana og á kvöldin þegar margir gestir eru á leið í skoðunarferðir.“

Þar með eru þó ekki allir kostir Expluria upp taldir því kerfið gerir ferðafólki einnig kleift að endurbóka ferðir í kerfinu, til að mynda ef ferð fellur niður vegna veðurs. Þór segir lausnina henta ferðaþjónustufyrirtækjum af öllum stærðum en hún tengist í dag beint við kerfi Bókunar sem fjöldi ferðaþjónustufyrirtækja hér á landi notar. Unnið er að því að tengja kerfið við fleiri bókunarkerfi. 

Fékk inn hluthafa úr ferðaþjónustunni

Spurður um vinnuna sem liggur að baki Expluria þá segir Þór að þróunarvinnan hafi verið mikið áskorun.„Hugbúnaðarteymið telur níu manns og hafa þau öll unnið gríðarlega gott starf við að leysa flókna ferla til að fá lausnina til að virka virka sem eina heild, bæði vefin og öppin tvö.“

Um mitt síðasta ár komu fjársterkir hluthafar að verkefninu og þar á meðal úr ferðþjónustunni. Fólk sem Þór segir að þekki vel það vandamál sem Expluria leysir. „Mikilvægi þess að hafa innlenda fjárfesta sem tengjast ferðaþjónustunni er afar dýrmætt og ekki síður það tengslanet sem þeir hafa.“

Bjóða fyrirtækjum frían aðgang til að byrja með

Núna liggja ferðalög milli landa að mestu niðri og því erfitt að gera prófanir á Expluria við þær aðstæður. Grunnútgáfa kerfisins er þó tilbúin. Það getur sótt pantanir til Bókunar og úthlutað bílstjóra rútu og einnig sent upplýsingar til ferðafólksins um hvaða rútu það eigið að fara með. 

„Þar sem ferðaþjónustan er í raun stopp vegna heimsfaraldursins þá höfum við ekki farið í það að auglýsa lausnina. Við viljum þó leggja okkar að mörkum við endurreisnina og ætlum að veita ferðaþjónustufyrirtækjum frían aðgang í 120 daga án endurgjalds þegar þar að kemur,“ segir Þór en hann horfir þó ekki bara til Íslands því Expluria getur nýst á mun fleiri mörkuðum. 

Taka þátt í sprotahraðli vestanhafs

Þannig er í undirbúningi að kynna kerfið fyrir norskum ferðaþjónustufyrirtækjum og í kjölfarið víðar í heiminum. Þar kemur að góðu sú athygli sem Expluria hefur fengið á sviði nýsköpunar. 

„Í byrjun október komumst við inn í vinsælan bandarískan sprotahraðal sem heitir „Newchip“. Það var mikil viðurkenning á starfi okkar því aðeins tuttugu og fimm fyrirtæki fá inngöngu af þeim þúsundum sem sækja um. Við fórum í gegnum tvö ítarleg viðtöl þar sem lagt var mat á umsækjandan og hugmyndina. En ástæða þess að Expluria fékk inngöngu er bakgrunnur minn sem frumkvöðull og sú frábæra hugmynd sem við erum að vinna í,“ segir Þór.

Með þáttttöku í hraðlinum fær Expluria fundi með þrjátíu erlendum fagfjárfestum og styrk að upphæð 3,5 milljónir króna frá Amazon AWS. Sá er í formi inneignar á hýsingu og aðgang þjónustuveri þeirra án endurgjalds næstu tvö ár.

„Forsvarsmenn hraðalsins meta sóknartækifæri og vaxtamöguleika Expluria þannig að hér sé á ferðinni lausn sem eigi eftir að ná mikill útbreiðslu þegar ferðaþjónustan nær sér aftur á strik. Þess má geta að við höfum fundið fyrir áhuga bæði innlendra- og erlendra fagfjárfesta sem og hjá forsvarsfólki ferðaþjónustufyrirtækja,“ segir Þór að lokum.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …