Samfélagsmiðlar

6 milljarðar króna söfnuðust í hlutafjárútboði Play

Lokuðu hlutafjárútboði hins verðandi flugfélags Play fór fram fyrr í þessu mánuði. Alls bárust bindandi áskriftir að 378.093.200 nýjum hlutum í félaginu á genginu 15,875 kr pr. hlut.

Heildarsöluverð hins nýja hlutafjár er því kr. 6.002.229.552 kr. samkvæmt því sem segir í frétt á vef Arctica Finance sem hafði umsjón með útboðinu.

Fyrir hlutafjárhækkunina höfðu 100 milljón hlutir verið gefnir út í Play og hlutirnir eru því í dag rétt rúmlega 478 milljónir talsins. Play birti lista yfir stærstu hluthafana í dag og þar kemur fram að Fea ehf, sem áður var eini eigandinn, á nú nærri 102 milljónir hluta.

Þess má geta að Arctica Finance var ráðgjafi þriggja lífeyrissjóða í tengslum við hlutafjárútboð Icelandair síðastliðið haust. Tveir af sjóðunum tóku þátt en sá þriðji, lífeyrissjóðurinn Birta, sat hjá. Birta er í dag annar stærsti hluthafinn í Play.

Arctica Finance hafði líka umsjón með skuldabréfaútboði Wow air haustið 2018 ásamt skandinavíska verðbréfafyrirtækinu Pareto. Eftir að útboðinu lauk var Arctica Finance, ásamt Arion banka, ráðið til að hefja undirbúning að skráningu hlutabréfa Wow á markað. Af því varð þó ekki því flugfélagið varð gjaldþrota hálfu ári síðar.

Nýtt efni

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …