Samfélagsmiðlar

Treystu þeim upplýsingum sem WOW air veitti

Forsvarsmenn verðbréfafyrirtækisins Pareto segja að stjórnendur WOW air hafi staðfest að upplýsingarnar sem birtar voru í tengslum við skuldabréfaútboðið síðasta haust hafi gefið rétta mynd af fyrirtækinu. Staða fyrirtækisins var hins vegar veikari en þar kom fram samkvæmt því sem segir í skýrslu skiptastjóra.

Þota WOW á Stansted flugvelli í London.

Í nýrri úttekt endurskoðendafyrirtækisins Deloitte, sem unnin var fyrir þrotabú WOW air, segir að færa megi rök fyrir því að eigið fé WOW hafi verið orðið neikvætt strax um mitt síðasta ár. Á sama tíma var félagið að hefja sölu skuldabréfa og umsjón með útgáfunni hafði skandinavíska verðbréfafyrirtækið Pareto. Alls seldust skuldbréf fyrir um 6,4 milljarða króna og þóknun Pareto hefur, samkvæmt tölum í úttekt þrotabúsins, numið um 13 milljónum kr.

Í ljósi niðurstöðu Deloitte telja skiptastjórar WOW að vísbendingar séu uppi um að fjárhagsupplýsingar sem fram komu í kynningu á skuldabréfaútgáfunni, sem líklega var gerð opinber fyrir slysni, hafi verið ófullnægjandi og ekki gefið raunsanna mynd af stöðu flugfélagsins.

Túristi leitaði viðbragða Pareto á þessum ályktunum og í svari verðbréfafyrirtækisins segir að Pareto og fjárfestarnir hafi treyst þeim upplýsingum sem fengust frá WOW air, bæði endurskoðuðum og óendurskoðuðum skýrslum. Þar segir jafnframt að áður en markaðssetning á skuldabréfunum hófst, og eins á meðan á söluferlinu stóð, hafi WOW air staðfest skriflega að upplýsingarnar gæfu rétta mynd af fyrirtækinu og fjárhagsstöðu þess og einnig að engar mikilvægar upplýsingar væru undanskildar.

Deloitte og skiptastjórar WOW air gera í skýrslum sínum, sem birtar voru á föstudaginn, einnig athugasemdir við kaup WOW air á sextíu prósent hlut í vöruflutningafyrirtækinu Cargo Express af Títan, eignarhaldsfélagi Skúla Mogensen, í júní í fyrra. Skiptastjórar segja það til athugunar hvort hlutafé Cargo Express hafi verið tekið yfir á of háu verði og verðmat KPMG, endurskoðanda WOW air, á vöruflutningafyrirtækinu eru dregnir í efa. Meðal annars vegna þess að við mat á virði hafi ekki verið horft til nýs þjónustusamnings milli þessara tveggja dótturfélaga Títan þar sem þóknun WOW air, gagnvart Cargo Express, var hækkuð úr 50 prósentum í 72 prósent.

Þess má geta að skiptastjóri Primera Air, flugfélagsins sem var í eigu Andra Más Ingólfssonar, hefur það til skoðunar hvernig staðið var að reikningsskilum fyrirtækisins en endurskoðandi þess var Deloitte. Sama fyrirtæki og er nú skiptastjórum WOW air innan handar við mat á reikningsskilum WOW air.

Það var svo Arion banki sem var viðskiptabanki bæði WOW air og Primera Air og hefur bankinn tapað milljörðum á viðskiptum sínum við flugfélögin tvö. Arion lánaði til að mynda Skúla Mogensen fyrir kaupum hans í skuldabréfaútgáfu WOW air sl. haust sem gerð voru m.a. til að útgáfan næði lágmarks upphæð, þ.e. um 50 milljónum evra, eða um 6,4 milljörðum króna á þáverandi gengi.

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …