Samfélagsmiðlar

Jákvæðar horfur að mati stjórnenda Play

Farþegatekjurnar námu tæpri milljón á hverja ferð í júní. Play greiddi 210 milljónir í þóknanir til verðbréfafyrirtækja í tengslum við útboð.

Þriðja þotan bættist í flota Play í byrjun ágúst.

Fyrsta uppgjör Play eftir að félagið hóf flugrekstur var birt í gær. Niðurstaðan er tap á fyrri helmingi ársins upp á 1,8 milljón dollara. Það jafngildir 223 milljónum króna miðað við gengið í lok tímabilsins. Tekjur félagsins voru skiljanlega litlar fyrstu sex mánuði ársins því áætlunarflug Play hófst ekki fyrr en í síðustu viku júní.

Samtals náði félagið að fara tvær ferðir til London og eina til Tenerife á þessari viku og farþegatekjurnar voru tæplega milljón krónur á hvern fluglegg eða samtals 5,4 milljónir króna.

Í tilkynningu frá Play segir að sjóðsstaðan sé sterkari en gert var ráð fyrir og eftirspurn eftir flugi vaxandi og horfurnar jákvæðar.

Undirbúningur fyrir áætlunarflug félagsins til Norður-Ameríku á næsta ári gengur jafnframt vel og búið er að tryggja leigu á sex þotum í viðbót við þær þrjár sem eru í flotanum í dag. Viðræður um leigu á tíundu Airbus A321 þotunni eru líka langt komnar.

Play aflaði sér samtals 82 milljón dollara í hlutafé á fyrri helmingi ársins í tveimur útboðum. Upphæðin nemur um tíu milljörðum króna og samtals fengu Arion banki og Arctica Finance, sem höfðu umsjón með útboðunum, greiddar um 210 milljónir króna fyrir sína vinnu samkvæmt því sem fram kemur í uppgjörinu.

Í dag starfar 131 starfsmaður hjá Play og gera stjórnendur félagsins ráð fyrir 150 til 200 starfsmönnum í viðbót til að vinna að uppbyggingunni sem er framundan. Að jafnaði voru starfsgildin á fyrri helmingi ársins 39 talsins.

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …