Samfélagsmiðlar

Kaupa miklu frekar bjór úr krana en í kippu

Andri Þór Guðmundsson forstjóri Ölgerðinnar.

„Erlendir ferðamenn hafa jákvæð áhrif á reksturinn, engin spurning. Við sáum til að mynda mikinn mun í sölu á veitingastöðum og hótelum eftir fall Wow Air og að sjálfsögðu aftur þegar heimsfaraldurinn hófst. Þá vó samt upp á móti að Íslendingar fóru þá að ferðast um landið. Aukin sala í fyrra skrifast að hluta til á að túristum fjölgaði hér á ný,“ segir Andri Þór Guðmundsson, forstjóri Ölgerðinnar, um áhrif ferðaþjónustunnar á reksturinn í tilefni hlutafjárútboðs fyrirtækisins sem hefst eftir helgi.

Þar verður nærri þrjátíu prósent hlutur seldur og í framhaldinu verður fyrirtækið skráð í Kauphöllina.

Í útboðslýsingu Ölgerðarinnar segir að gert sé ráð fyrir allt að 3,9 milljarða króna rekstrarhagnaði á þessu ári. Tekið er fram að helsta óvissan varðandi þessa spá liggi í komum ferðamanna og eins utanlandsferðum Íslendinga.

Þessi tveir hópar versla þó áfengi hér á landi með ólíkum hætti því að sögn Andra Þórs þá kaupa útlendingar helst áfengi á hótelum og veitingastöðum en mun minna í Vínbúðunum eða komuverslun Fríhafnarinnar. „Aftur á móti versla þeir töluvert í brottfararversluninni í Leifsstöð þar sem þeir kaupa til að mynda minjagripi í formi brennivíns,“ bætir hann við.

Tölur Rannsóknarseturs verslunarinnar sýna jafnframt að langoftast er greitt fyrir tollfrjálsan varning með innlendum greiðslukortum en ekki erlendum. Engu að síður eru útlendingar í meirihluta í Leifsstöð. Í síðasta mánuði nam kortavelta í tollfrjálsri verslun til að mynda 920 milljónum króna og þar af voru sjö hundruð milljónir greiddar með íslenskum kortum.

Það eru því sterkar vísbendingar um að það séu aðallega Íslendingar sjálfir sem nýta sér það að geta keypt ódýrara áfengi í töskusal Leifsstöðvar. Sala á tollfrjálsum varningi í flugstöðvum er líka vanalega eingöngu fyrir brottfararfarþega. Hér á landi, í Noregi og Sviss geta farþegar þó einnig keypt þess háttar vörur við komuna enda eru löndin þrjú öll utan Evrópusambandsins. Aðildarríkjunum eru meiri skorður settar við sölu á vörum til flugfarþega.


Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …