Samfélagsmiðlar

Mótvindur hjá stærsta erlenda flugfélaginu á Keflavíkurflugvelli

Eftir fall Wow Air þá varð hið ungverska Wizz Air umsvifamesta flugfélagið á Keflavíkurflugvelli á eftir Icelandair. Nú hefur Play tekið við því sæti en áfram er Wizz Air stórtækt í Íslandsflugi. Hingað fljúga þotur félagsins frá þrettán evrópskum borgum þar af fimm pólskum og fjórum á Ítalíu en stjórnendur Wizz Air hafa nýtt heimsfaraldurinn í að hasla sér völl í vesturhluta Evrópu.

Sú útrás hefur ekki skilað sér í jákvæðri afkomu, alla vega ekki enn sem komið því tap félagsins á öðrum fjórðungi ársins, apríl til júní, nam um 63 milljörðum króna (452,5 milljónir evra) samkvæmt nýju uppgjöri. Farþegarnir á þessu tímabili voru þó 17 prósent fleiri en á sama tíma árið 2019 en flota Wizz Air eru í dag 157 þotur eða um fimmfalt fleiri en Icelandair hefur yfir að ráða.

Wizz Air er í dag næststærsta lágfargjaldaflugfélag Evrópu og eins opnaði félagið dótturfélag í Abu Dhabi í fyrra. Eigendur félagsins eru einnig í viðræðum við ráðamenn í Sádí-Arabíu um flugrekstur þar í landi.

Til viðbótar við þessa landvinninga í Miðausturlöndum þá sjá stjórnendur Wizz Air tækifæri í leiguflugi frá Evrópu til Bandaríkjanna. Samgönguyfirvöld vestanhafs treysta sér þó ekki til að gefa félaginu grænt ljós á þess háttar farþegaflutninga þar sem ekki liggja fyrir nógu góðar upplýsingar um að Wizz Air sinni flugöryggismálum með fullnægjandi hætti.

Ennþá hafa stjórnendur Wizz Air ekki brugðist opinberlega við þessari niðurstöðu en ekki er langt síðan forstjóri félagsins gagnrýndi flugmenn félagsins fyrir að kveinka sér undan vinnuálagi. Starfsmenn Wizz Air geta heldur ekki leitað til stéttarfélaga því stjórnendur flugfélagsins virða þess háttar félög að vettugi.

Sú harða afstaða hefur meðal annars orðið til þess að ráðamenn í Noregi hafa tekið fyrir að fljúga með félaginu. Ekki hefur heyrst af samskonar andstöðu meðal íslenskra pólitíkusa en sem fyrr segir er Wizz Air umsvifamesta erlenda flugfélagið hér á landi.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …