Samfélagsmiðlar

Umsókn Wizz Air um flug til Bandaríkjanna mætir andstöðu

Keflavíkurflugvöllur er í dag vestasti áfangastaðurinn í leiðakerfi ungverska lággjaldaflugfélagsins Wizz Air. Á því gæti orðið breyting á fyrr en síðar því stjórnendur félagsins hafa sótt um leyfi fyrir ferðum til Bandaríkjanna.

Þessi áform mæta hins vegar andstöðu ALPA, stærstu flugmannasamtaka Bandaríkjanna, sem skora á þarlend flugmálayfirvöld að hafna beiðni Wizz Air um leyfi fyrir leigu- og fraktflugi vestur um haf samkvæmt frétt Flight Global. Í umsögn ALPA er vísað til þess að stjórnendur Wizz Air virði ekki rétt starfsmanna til að ganga í stéttarfélög og fullyrt er að flugmenn ungverska félagsins séu neyddir til að mæta í vinnu á frídögum og jafnvel þegar þeir eru veikir.

Óljós áform

Ekki liggur fyrir hvaða tækifæri stjórnendur Wizz Air sjá í flugi til Bandaríkjanna en sem fyrr segir snýst umsókn þeirra til bandarískra flugmálayfirvalda um frakt- og leiguflug en ekki áætlunarflug. Alla vega ekki enn sem komið er.

Í því samhengi má þó rifja upp að það eru Indigo Partners sem fara með tögl og haldir í Wizz Air en þetta bandaríska fjárfestingafélag skoðaði á sínum tíma möguleikann á að kaupa Wow Air af Skúla Mogensen.

Sniðganga í Noregi

Ísland hefur verið hluti af flugáætlun Wizz Air um langt árabil og félagið heldur í dag úti ferðum hingað frá þrettán evrópskum borgum. Hér á landi hefur umræða um lág laun áhafna flugfélagsins og viðhorf stjórnenda þess tilverkalýðsfélaga þó aldrei komist á flug.

Það gerðist hins vegar í Noregi þegar Wizz Air ætlaði að hasla sér völl í innanlandsflugi þar í landi. Þá beindi forsvarsfólk norskra stéttarfélaga þeim tilmælum til félagsmanna að sniðganga flugfélagið. Forstjóri Wizz Air gaf lítið fyrir þessa andstöðu og hélt því fram í viðtalið við norska viðskiptablaðið Dagens Næringsliv að öll þau flugfélög sem ynnu með stéttarfélögum væru í raun á barmi gjaldþrots.

Hvað sem þessari skoðun forstjórans viðkemur þá batt Wizz Air enda á útgerð sinni í Noregi og flutti þoturnar sem þar voru á ítalska flugvelli. Í dag fljúga þessar sömu flugvélar til Íslands því Wizz Air býður upp á ferðir hingað til lands frá fjórum ítölskum borgum.

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …