Samfélagsmiðlar

Baráttan við skúrkana

„Auðvitað þarf að efla vinnustaðaeftirlit í ferðaþjónustunni, fylgjast betur með því hvernig staðið er að verki." Þetta sagði Frikrík Rafnsson, formaður Leiðsagnar, í viðtali við Túrista í haust en er rifjað upp vegna frétta af bandarískum ferðamanni sem svikinn var af einhverjum sem sagðist ranglega vera leiðsögumaður.

Friðrik Rafnsson

Friðrik Rafnsson, formaður Leiðsagnar

Banda­rískur ferða­­maður segir að hann og eigin­­kona sín hafi verið svikin um hundruð þúsunda ís­­lenskra króna þegar þau ferðuðust til landsins í septem­ber síðast­liðnum af Ís­­lendingi sem hafi gefið sig út fyrir að vera leið­­sögu­­maður.” 

Þannig hefst viðtal sem Fréttablaðið birti 2. janúar við bandaríska ferðamanninn Greg Wendel­ken sem vakið hefur mikla athygli. Þetta er ekki í fyrsta skipti, og tæplega í það síðasta, sem erlendur ferðamaður lendir í klóm svikahrapps sem gefur sig út fyrir að sinna ferðaþjónustu. 

Ferðamenn í Reykjavík – MYND: ÓJ

Túristi birti viðtal við Friðrik Rafnsson, formann Leiðsagnar, félags leiðsögumanna, 8. október síðastliðinn. Þar ræddi formaðurinn ólöglega starfsemi í ferðabransanum, sem leiðsögumenn hafa lengi haft áhyggjur af:

„Auðvitað þarf að efla vinnustaðaeftirlit í ferðaþjónustunni, fylgjast betur með því hvernig staðið er að verki. Við bendum lögreglu, skattayfirvöldum og eftirlitsaðilum á það sem okkur þykir undarlegt, bæði varðandi leiðsögn og akstur. Á ferðinni eru rútubílstjórar sem lenda undir ratsjánni, þykjast vera að aka með vinahópa en eru augljóslega ökuleiðsögumenn. Það er kolólöglegt.” 

Ferðafólk á Arnarhóli
Ferðahópur við Arnarhól – MYND: ÓJ

Friðrik benti sérstaklega á útlendinga sem kæmu hingað til lands með ferðahópa án lágmarks þekkingar á aðstæðum. Öryggi farþega væri teflst í tvísýnu. En svikahrappar koma ekki bara frá útlöndum. Það virðist verulega skorta á að yfirvöld hér á landi hafi sómasamlegt eftirlit með þeim sem selja ferðamönnum þjónustu sína. Gefum Friðriki Rafnssyni aftur orðið: 

„Því miður þykir okkur vera dálítið andvaraleysi í þessum málum. Eftirlit af hálfu skattayfirvalda, lögreglunnar og Vinnueftirlitsins er því miður ekki nógu gott. Við höfum unnið að því með Samtökum atvinnulífsins og Samtökum ferðaþjónustunnar að bætt verði úr en vilji til að hafa skýrar og framkvæmanlegar reglur er ekki til staðar.” 

Ferðafólk í Reynisfjöru
Ferðafólk í Reynisfjöru – MYND: ÓJ

Í októbermánuði sagðist formaður félags leiðsögumanna vilja trúa orðum ferðamálaráðherra um að standa ætti vel að málum í þessari mikilvægu atvinnugrein – ferðaþjónustunni: 

„Við eigum að setja áveðinn gæðastaðal, gera kröfur til leiðsögumanna, erlendra og innlendra. Við viljum aðhald frá yfirvöldum. Það verður að efla menntun og þjálfun, ekki bara meðal leiðsögumanna, heldur almennt í ferðaþjónustunni.”

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …