Nú í morgun samþykktu aðildarríki Evrópusambandsríkin að leggja bann við förgun á fötum og skóm sem kaupmenn koma ekki út. Viðskiptaráðherra Svíþjóðar Ebba Busch segir þetta mikilvægt skref í að uppræta þann leiða vana að henda eða brenna fullkomlega nothæfan klæðnað.
„Það er ekki sjálfbært á nokkurn einasta hátt,“ bætti Busch við í samtali við sænska viðskiptaritið Dagens Industri fyrr í dag.
Nánari útfærsla á banninu bíður umhverfisnefndar Evrópuþingsins en það liggur fyrir að lítil fyrirtæki fá undanþágu frá reglunni og millistór fyrirtæki fá fjögurra ára aðlögun að banninu. Stóru fatakeðjurnar verða hins vegar fljótlega að taka sig á.
