Samfélagsmiðlar

Síðasta vikan án keppinautar endaði illa

Frá og með föstudeginum munu bæði Icelandair og Play fljúga til Glasgow.

Þota Icelandair sem átti að fara í loftið með 170 farþega frá Glasgow á fimmtudaginn lenti fyrst á Keflavíkurflugvelli aðfaranótt laugardags. Töfin nam um fjörutíu klukkutímum og skrifast á bilun í flugvél Icelandair og mistökum við val á varahlutum. Ástandið rataði í fréttir hér á landi og BBC fjallaði einnig um málið og ræddi við farþega sem voru mjög ósáttir við upplýsingagjöf Icelandair og þjónustu á meðan á biðinni í Glasgow stóð.

Farþegarnir höfðu ekki val um flug með öðru flugfélagi til Íslands frá Glasgow en á föstudaginn verður breyting þar á því þá er á dagskrá fyrsta ferð Play til skosku borgarinnar. Þar með fær Icelandair samkeppni í fyrsta sinn á þessari flugleið.

Wow Air hélt nefnilega úti ferðum til Edinborgar á sínum tíma og frá þeirri borg fljúga líka þotur Easyjet til Íslands. Nú munu hins vegar tvö íslensk flugfélög takast á í Glasgow og eins og staðan er í dag þá er töluverður munur á fargjöldum keppinautanna.

Sá sem ætlar í dag að bóka flug með Icelandair til Glasgow í sumar borgar að lágmarki 42 þúsund krónur fyrir farið, báðar leiðir. Dagarnir sem þetta verð er í boði eru þó ekki margir en hjá Play kostar ódýrasta flugið til Glasgow í sumar og heim aftur um 17 þúsund krónur. Þetta farmiðaverð er fáanlegt á fjölda dagsetninga.

Hjá Play þarf reyndar að borga aukalega 10 þúsund krónur fyrir hefðbundna handfarangurstösku en ekki hjá Icelandair.

Það er ekki bara í Glasgow sem Icelandair og Play munu nú etja kappi við hvort annað því samkeppni félaganna er að aukast á mun fleiri stöðum þessa dagana eins og Túristi rakti nýverið.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …