Samfélagsmiðlar

Óeirðir halda áfram í Frakklandi

Óeirðir halda áfram í Frakklandi og hafa ferðamenn verið hvattir til að gæta vel að sér, forðast átakasvæði og fylgjast með þróun mála. Macron Frakklandsforseti hefur afboðað komu sína á leiðtogafund Evrópusambandsins. Hann þarf að stýra neyðarfundum í París og leita leiða til að lægja öldurnar eftir að lögregla drap unglingspilt.

Frétt á vefsíðu franska dagblaðsins Le Monde

„Eftir þriðju óeirðanóttina ætlar ríkisstjórnin að leita allra leiða til að koma aftur á röð og reglu í lýðveldinu,“ segir í Le Monde. Þrátt fyrir að kallaðir hafi verið til um 40 þúsund lögreglu- og hermenn halda óeirðir áfram víða um Frakkland. Neistinn sem kveikti bálið var dráp lögreglu á 17 ára unglingi, Nahel M. Óeirðir brutust út í Nanterre, úthverfi í vesturhluta Parísar, en þær hafa síðan breiðst út. Fyrirtæki og lögreglustöðvar víða um land hafa orðið fyrir barðinu á mótmælendum. Nokkur hundruð manns hafa verið handteknir og miklar skemmdir verið unnar. 

Útgöngubann er í nokkrum bæum í útjaðri höfuðborgarinnar og fólki er meinað að halda fjöldasamkomur. Mótmæli hafa víða breyst í öldu skemmdarverka og þjófnaða í verslunum. 

Meðal aðgerða sem gripið hefur verið til í París í því skyni að draga úr líkum á ólátum var að fella niður ferðir strætisvagna eftir klukkan 9 á kvöldin.

Tilkynnt var í morgun að Emmanuel Macron, forseti, hefði horfið af leiðtogafundi Evrópusambandsins í Brussel til að stýra neyðarfundum í París vegna ástandsins. Macron hefur hvatt fólk til að sýna stillingu en mótmælin reyna mjög á getu og áhrifavald forsetans., m.a. þegar haft er í huga hversu mikilvæg ferðaþjónusta er í landinu og að á næsta ári verða Parísarbúar gestgjafar á Ólympíuleikum. 

Sendiráð nokkurra ríkja og ferðasíður hafa þegar varað við óeirðunum í Frakklandi. Sendiráð Bandaríkjanna hefur m.a. gefið út slíkar viðvaranir og hvatt ferðafólk til að forðast svæði þar sem óeirðir eru, hafa samband við Rauða krossinn ef það kemst ekki leiðar sinnar, fylgjast með tilkynningum lögreglu í fjölmiðlum og láta fjölskyldu og ástvini vita af sér.

Meðal fjölmiðla sem birta frásagnir á ensku eru Le Monde, France 24 og RFI. Þá hafa áströlsk yfirvöld einnig varað sitt fólk við ástandinu í Frakklandi.

Signa

Á friðsælum degi í miðborg Parísar – MYND: ÓJ

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …