Samfélagsmiðlar

Viðurkenningar fyrir gott aðgengi fatlaðra

Sky Lagoon, Bakland að Lágafelli, Loft Hostel og Dalur Hostel undir merkjum HI Iceland- Farfuglar, eru fyrstu fyrirtækin til að hljóta merki verkefnisins „Gott aðgengi" í ferðaþjónustu á vegum Ferðamálastofu.

Bakland að Lágafelli: Sæunn Þóra Þórarinsdóttir, Halldór Áki Óskarsson, Margrét Lilja Aðalsteinsdóttir og Þorkell Steindal

Verkefnið er unnið í samstarfi við Húsnæðis- og mannvirkjastofnun, Sjálfsbjörg og ÖBÍ. Með þessu fræðslu- og hvatningarverkefni er verið að brugðist við ítrekuðum kröfum um að aðgengi fatlaðra verði bætt á ferðamannastöðum.

Fulltrúar HI Iceland-Farfuglar: Stefan Jovic, Oddvar Haukur Árnason, Sigríður Ólafsdóttir pg Irene Pruna Soler 

Markmiðið með verkefninu er að bjóða ferðaþjónustuaðilum verkfæri og leiðbeiningar til að bæta aðgengismál með markvissum hætti.

Fyrirtæki, sem nú hafa fengið merki verkefnisins, hafa öll hugað vel að þáttum er varða aðgengi fyrir fatlaða og gert nauðsynlegar ráðstafanir til að uppfylla viðmið „Góðs aðgengis,“ eins og t.d. aðkomu utanhúss og bílastæði, aðbúnað á snyrtingum og herbergjum, fræðslu til starfsfólks o.fl. 

Í fréttatilkynningu óskar Ferðamálastofa forsvarsmönnum og starfsfólki Sky Lagoon, Baklands að Lágafelli, Lofts Hostels og Dals Hostels  innilega til hamingju með glæsilegan áfanga og hvetur um leið önnur ferðaþjónustufyrirtæki til að kynna sér verkefnið og taka þátt í því.  

Sky Lagoon: Hallgerður Ragnarsdóttir og Helga María Albertsdóttir 

Nýtt efni

Stærsti bílaframleiðandi heims lætur ekki haggast þó hann hafi mætt nokkru andstreymi að undanförnu. Hluthafafundur Toyota endurnýjaði traust sitt á 10 manna stjórn fyrirtækisins í dag, þar á meðal á formanninum, Akio Toyoda, sem verið hefur í forystusveit fjölskyldufyrirtækisins frá aldamótum. Hann vék úr starfi forstjóra fyrir rúmu ári og varð stjórnarformaður. Nú hefur þessi …

Hér á landi hefur fjöldi erlendra vegabréfa við vopnaleitina á Keflavíkurflugvelli verið helsti mælikvarðinn á gang mála í ferðaþjónustunni. Á hinum Norðurlöndunum er ekki hægt að stunda svona talningu á flugvöllum enda margir sem koma landleiðina. Gistinætur útlendinga eru því aðalmælikvarðinn á gang mála í ferðaþjónustunni hjá frændum okkar og samtals voru þær 15,3 milljónir …

Búist er við að 38 prósenta hækkun tolla á innflutta rafbíla frá Kína hægi á sókn framleiðenda þar inn á Evrópumarkað. Hins vegar verður það aðeins tímabundið. Kínverskir framleiðendur hafa þegar náð sterkri stöðu í tæknimálum og getu til að framleiða á hagkvæman hátt - þeir ráða yfir allri aðfangakeðju framleiðslu sinnar. Að auki munu …

Fyrstu helgina í júní stefndi í verkfall flugmanna Norwegian í Noregi en samningar tókust á elleftu stundu. Flugfélagið hafði áður samið við danska og spænska flugmenn en þeir norsku kröfðust hlutfallslega meiri hækkunar og vísuðu til þess að laun þeirra stæðust ekki samanburð við starfsbræður sína í Evrópu vegna þess hve veik norska krónan er. …

„Það umfangsmikið verkefni að opna nýja álmu við flugstöð. Byggingin þarf að uppfylla fjölmargar kröfur yfirvalda , m.a. um innréttingar, eldvarnir, umhverfiskröfur og vinnuaðstæður. Það þarf líka að setja upp flókinn tækjabúnað, sem þarnast sérhæfðrar þekkingar og margra stunda þjálfun ef hann á að skila sínu hlutverki. Það gildir um nýjan öryggisbúnað flugvallarins," segir í …

Suður-kóreski bílaframleiðandinn Hyundai veðjar á fjórða stærsta bílamarkað heims, Indland. Stærstu markaðirnir eru Kína, Bandaríkin og Japan - en Indlandsmarkaður vex hratt og mikil sala er í litlum og sparneytnum gerðum bíla. Á síðasta ári keypti dótturfélag Hyundai á Indlandi verksmiðjur General Motors í Maharashtra í vestanverðu landinu með það fyrir augum að auka framleiðslu …

Icelandair sagði 82 starfsmönnum upp fyrir síðustu mánaðamót en þær uppsagnir náðu ekki til áhafna flugfélagsins. Nú er hins vegar komið að þeim hópi því fyrir helgi fengu 57 flugmenn uppsagnarbréf og eins voru 26 flugstjórar færðir í stöðu flugmanna. Við þá breytingu lækka laun viðkomandi um fimmtung samkvæmt því sem FF7 kemst næst.  Flugmönnum …