Samfélagsmiðlar

Nýtt bílastæðakerfi á Keflavíkurflugvelli

Nýtt aðgangskerfi hefur verið tekið í notkun við langtíma bílastæðin á Keflavíkurflugvelli. Númeralesari leysir af hólmi greiðslukortin og aðgöngumiðana.

Bílastæðin við kefblavíkurflugvöll eru oftast þéttskipuð

Túristi greindi frá því í apríl að nýtt aðgöngukerfi yrði tekið í notkun í sumar við bílastæðin. Maren Lind Másdóttir, forstöðumaður mannvirkja og innviða hjá Isavia, sagði frá þessu í viðtali þar sem hún fjallaði um nýtt farangurskerfi og aðrar úrbætur í tengslum við stórframkvæmdir á flugvellinum:

Við hlið langtíma bílastæðisins – MYND: ÓJ

„Við erum að breyta bílastæðabúnaði okkar. Komið verður upp númeralesurum og ökumenn geta notað hin ýmsu smáforrit til að greiða fyrir lagningu. Með þessu erum við að auka möguleika farþegans á að velja sér greiðsluleið en einnig að bæta upplifun hans af bílastæðum, ásamt því að bæta endingu bílastæðabúnaðarins. Við áætlum að taka nýja búnaðinn í notkun fyrir sumarið og erum spennt að sjá það raungerast.”

MYND: Isavia

Nú er nýja kerfið loks komið í gagnið og hljóta margir ökumenn að fagna því að þurfa ekki að brasa með kort eða miða í myrkri og misjöfnum veðrum þegar ekið er inn á og út af stæðinu.

Nýja kerfið virkar þannig, samkvæmt upplýsingum frá Isavia:
– Hliðin opnast núna sjálfkrafa þegar ekið er inn og út af þeim.
– Myndavélar lesa bílnúmer og sjá um að auðkenna bifreiðar.
– Ekki þarf lengur miða, QR kóða eða greiðslukort til að opna hliðin.
– Fjölbreyttari greiðslumöguleikar til að auka þægindi gesta.

MYND: Isavia

Með þessu er ætlunin að bæta þjónustu við akandi farþega á leið úr landi frá Keflavíkurflugvelli. Þeir verða svo sjálfir að muna þegar þeir koma heim hvar bílnum var lagt á víðáttumiklu bílastæðinu.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …