Samfélagsmiðlar

Á heimavelli: Georg í Madríd

Georg Haraldsson og fjölskylda eru flestum hnútum kunn í höfuðborg Spánar eftir að hafa verið þar í námi fyrr á árinu. Þau deila hér með lesendum uppáhaldsstöðunum sínum í borginni og öðrum sem túristar gætu haft gaman af að heimsækja.

Leikvellir og listaverk

El Retiro er stór almenningsgarður í hjarta Madrídar með marga leikvellir og svæði til þess að fara í lautarferð. Um helgar stilla listamenn þar upp verkum sínum og selja gersemar sínar. Einnig er boðið upp á brúðuleikhús fyrir börnin. Í miðjum garðinum er stórt vatn þar sem hægt er að leigja árabát fyrir lítið (€5) og í Kristalshöllinni eru yfirleitt ókeypis listsýningar. Ótal göngustígar liggja um garðinn sem gaman er að villast í.“

Tvö skemmtileg hverfi

Salamanca er fyrir ofan El Retiro garðinn. Í hverfinu leynast ótal búðir, bæði litlar og stórar, auk útibúa frá öllum helstu stóru tískumerkjunum. Gaman er að rölta niður Calle Jose Ortega y Gasset og „window sjoppa” í fínu búðunum.  Einnig eru aragrúi af búðum og veitingarstöðum á Calle de Goya, Calle de Velázquez og Calle de Serrano. Á Serrano, sem liggur í gegnum allt Salamanca hverfið, er að finna vöruhús El Corte Ingles sem selur allt milli himins og jarðar. Þar fá ferðamenn 10% aukaafslátt af flest öllu sem þar er selt auk 18 prósent tax free endurgreiðslu. Þarna er því hægt að gera góð kaup.

Uppáhalds veitingastaðurinn okkar í Salamanca var án efa Le Pain Quotidien eða „daglegt brauð”. Þar er hægt að fá sér hollan og góðan morgunmat, hádegismat eða kvöldmat. Í hverfinu er fullt af tapas stöðum, t.d. Lateral, Teatriz og Mas Q Menos svo einhverjir séu nefndir. Þess má geta að Salmanca er eitt af fínustu hverfum Madrid borgar og því er verðlagið á veitingastöðum þar oft aðeins hærra en í öðrum hverfum.

La Latina hverfið, sem er rétt hjá Puerta Del Sol og Mercado de San Miguel (sjá neðar), einkennist af þröngum götum með börum, kaffihúsum, tapas stöðum og litlum sérverslunum. Á sunnudögum er þar haldinn stór útimarkaður sem heitir El Rastro. Markaðurinn er alltaf mjög fjölmennur og er best að mæta snemma til að sleppa við mesta mannhafið, en markaðurinn er opinn frá klukkan 9 til 15 alla sunnudaga. Á El Rastro er hægt að finna ýmsan varning, bæði nýjan og notaðan og er því gott að vera með nóg af seðlum ef maður finnur eitthvað fallegt.“

Skyldustopp fyrir sælkera

„Matarmarkaðurinn Mercado de San Miguel er án efa sá staður sem mun kæta matgæðinga hvað mest í Madríd. Þetta er líka einn af okkar uppáhaldsstöðum í borginni. Markaðurinn er staðsettur í stórum glerskála rétt hjá Puerta Del Sol, í miðbæ Madrídar. Veitingarnar eru oftast borðaðar á staðnum til að upplifa stemmninguna sem markaðnum fylgir sem best. Margar tegundir af mat og drykk eru í boði, allt frá fingramat og ostum upp í ostrur, sushi, fínustu rauðvín og kobekjöt. Þarna er líka bakarí og ísbúð og þeir sem eiga leið hjá mega ekki gleyma að fá sér jógúrtísinn með fersku ávöxtunum, hann var mjög vinsæll hjá okkur.

Það er alltaf mikið að gera á Mercado de San Miguel og því borgar sig að vera þolinmóður ef maður vill borða inni við borð. Maturinn er í öllum verðflokkum og ættu því allir að geta fundið sér eitthvað við sitt hæfi.

Madrid er með öruggari borgum í Evrópu, en vasaþjófar geta leynst víða og er það oft ólíklegasta fólkið sem er að stela.“

TENGDAR GREINAR: Greta Mjöll í BostonBjörgvin Ingi í Chicago

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …