Samfélagsmiðlar

Með áratugareynslu af samkeppni

Túristi lagði nokkrar spurningar um framtíðina fyrir Birki Hólm Guðnason, framkvæmdastjóra Icelandair.

Það stefnir í aukna samkeppni í flugi frá Skandinavíu til austurstrandar Bandaríkjanna á næsta ári. Framkvæmdastjóri Icelandair segir fyrirtækið sveigjanlegt og vant samkeppni. Hann segir flug til annarra heimsálfa, en Evrópu og N-Ameríku, ekki vera í spilunum. Túristi lagði nokkrar spurningar um framtíðina fyrir Birki Hólm Guðnason.

Er líklegt að leiðakerfi Icelandair nái út fyrir Evrópu og N-Ameríku innan tíu ára?

Aðaláhersla okkar næstu árin er að byggja upp og styrkja núverandi leiðakerfi milli Evrópu og Norður Ameríku í gegnum Ísland og jafna árstíðasveiflur. Við munum halda áfram að fylgjast með þróun og tækifærum á öðrum mörkuðum.  

Lággjaldaflugfélagið Norwegian hefur flug til New York frá Osló og Stokkhólmi á næsta ári og boðar lægri verð en nú þekkjast. Icelandair hefur lengi verið meðal þeirra sem bjóða lægstu fargjöldin milli meginlands Evrópu og Bandaríkjanna. Hvaða áhrif telurðu að tilkoma Norwegian muni hafa á fargjöld milli Skandinavíu og New York?

Samkeppni á Norður-Atlantshafi er ekki ný fyrir okkur, hún er það sem við höfum tekið þátt í áratugum saman, og náð að byggja upp og stækka okkar leiðakerfi við þær aðstæður. Fyrirtækið er sveigjanlegt og samkeppnishæft í kostnaði sem hefur, og mun, hjálpa okkur í samkeppni eins og hingað til. Verð á þessum markaði mun eins og alltaf taka mið af framboði og eftirspurn. Við fylgjumst vel með því sem er að gerast í kringum okkur og reynum að vera skrefi á undan.

Mun afþreyingakerfi, líkt því sem er í vélum Icelandair í dag, vera sett í farþegaþotur Icelandair næst þegar félagið fjárfestir í nýjum flugkosti? Eða horfið þið frekar til þess að bjóða upp á tæki eins og spjaldtölvur?

Okkar plön miðast við að bjóða upp á afþreyingarkerfi og Internet tengingu í okkar flugflota og standa framarlega í því eins og verið hefur. Það er auðvitað ekki ljóst hvert tækniþróunin leiðir okkur hvað varðar tækjabúnaðinn, en við munum leggja áherslu á þennan þátt.

SAS mun á næstunni leggja sérstakt kortagjald ofan á alla farmiða sem greiddir eru með kreditkortum. Hver er þín skoðun á þessu nýja gjaldi SAS?

Við munum halda áfram að fylgjast með þróun á svoköllum hliðartekjum, sem þetta er hluti af, og tækifærum þar en ekki liggur fyrir ákvörðun um slíkt hjá Icelandair. Þetta er þróun sem flest flugfélög hafa verið að fylgja undanfarið.

Icelandair tilkynnti á föstudaginn að félagið myndi á næsta ári hefja flug til Anchorage í Alaska, Skt. Pétursborgar í Rússlandi og Zurich í Sviss.

TENGDAR GREINAR: Komumst ekki hjá kreditkortagjaldi
NÝJAR GREINAR: Georg á heimavelli í Madríd

Mynd: Icelandair

 

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …