Samfélagsmiðlar

Færri nýta sér innanlandsflugið

Í samanburði síðustu tvö ár þá fljúga færri innanlands í ár. Hlutfallslega hefur minnstur samdráttur orðið á Akureyri en beint leiguflug frá Bretlandi hafði þar mikið að segja fyrstu mánuði ársins.

flugvel innanlands isavia

Áfram fækkar farþegum í innanlandsflugi því samkvæmt nýjustu tölum Isavia fóru tæplega 673 þúsund farþegar um aðra flugvelli en Keflavíkurflugvöll fyrstu 10 mánuði ársins. Á sama tíma í fyrra voru þeir um 704 þúsund og fækkunin nemur því um 31 þúsund farþegum og 4,4 prósentum. Samdrátturinn miðað við fyrstu tíu mánuðina 2016 er minni en í samanburði við sama tímabil 2015 og 2014 þá hefur orðið aukning.

Í tölum Isavia er umferð um minni flugvellina ekki sundurliðuð eins og sést á töflunni hér fyrir neðan. Hafa ber í huga að farþegar sem fara í millilandaflug frá Reykjavík, Egilsstöðum og Akureyri eru inn í þessum tölum og líka ferðamenn í útsýnisflugi. Þannig eru allir þeir Bretar sem flugu til Akureyrar á fyrsta fjórðungi ársins taldir með.

Rekstur flugfélaganna sem sinna innanlandsfluginu hefur verið erfiður síðustu misseri. Það hefur til að mynda komið fram í máli forsvarsmanna Icelandair Group, sem á Air Iceland Connect, og í viðtali Túrista við Hörð Guðmundsson, forstjóra Flugfélagsins Ernir, nýverið. Nefndi Hörður að hátt eldsneytisverð, gengi krónunnar og ásókn millilandaflugfélaganna í starfsfólk sem dæmi um erfitt rekstrarumhverfi flugfélaganna.

Nýtt efni

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …

Megn óánægja er meðal starfsmanna skemmtigarðsins Disneyland í Kaliforníu í Bandaríkjunum og hóta þeir nú verkfalli í fyrsta skipti frá árinu 1984. Kjaraviðræður sem staðið hafa síðan í apríl hafa engum árangri skilað. Ef af verður munu 14 þúsund starfsmenn skemmtigarðsins leggja niður störf samkvæmt frétt CNN en 99 prósent þeirra hafa samþykkt verkfallsaðgerðir. Til …