Samfélagsmiðlar

Þungur róður í innanlandsfluginu

Ásókn millilandaflugfélaganna í starfsfólk, gengi krónunnar og hækkandi olíuverð hefur komið niður á rekstri Flugfélagsins Ernis. Farþegum í innanlandsflugi hefur farið fækkandi í ár.

Hin nýja Dornier farþegavél sem Flugfélagið Ernir mun taka í notkun á næstunni. Flugfélagið hóf starfsemi árið 1970 og ennþá stjórnað af stofnendunum. 

„Rekstur félagsins hefur verið þungur undanfarið sem rekja má meðal annars til hækkandi olíuverðs og annarra aðfanga sem háð eru gengi gjaldmiðla,“ segir Hörður Guðmundsson, forstjóri flugfélagsins Ernir. Nefnir hann sem dæmi varahluti, tryggingar og eins hefur launakostnaður farið hækkandi vegna launatengdra þátta. „Lítill launamunur er milli starfsmanna á stórum þotum og okkar 19 farþega flugvélum. Stærri félög á Íslandi hafa einnig sóst ríkulega eftir vel þjálfuðu flugfólki okkar undanfarin misseri sem valdið hefur félaginu verulegum kostnaði varðandi nýþjálfun flugmanna og flugvirkja,“ bætir Hörður við.

Í dag heldur Flugfélagið Ernir úti áætlunarflugi til fimm áfangastaða á landsbyggðinni auk Reykjavíkur. Til þess hefur félagið á að skipa fjórum 19 farþega flugvélum af Jetstream 31/32 gerð og á næstunni verður tekin í notkun Dornier 328 sem getur flogið með 32 farþega og mun hún sinna áætlunarflugi á leiðum félagsins. Hörður segir að bundnar séu vonir við að aukin sætafjöldi skili hagkvæmi á ákveðnum leiðum og möguleika félagsins til að bjóða hagstæðari fargjöld en hægt er nú. „Allt mun það þó fara eftir kaupum og kjörum og aðstæðum á okkar örmarkaði,“ bætir hann við. Auk þessa þá býður Ernir upp á leiguflug innanlands og sinnir sjúkraflug og þá aðallega til Svíþjóðar í tengslum við líffæraskipti.

Umsvifamesta fyrirtækið í innanlandsfluginu er Air Iceland Connect sem er hluti af Icelandair Group. Og það hefur endurtekið komið fram í máli forsvarsmanna fyrirtækisins að rekstur Air Iceland Connect er krefjandi þessi misserin. Staðan flugfélaganna tveggja sem gera út frá Reykjavíkurflugvelli er því erfið en á sama tíma hefur umræða um há flugfargjöld innanlands verið hávær.

Í fyrrasumar skipaði samgönguáðherra starfshóp til að kanna mögulegar leiðir til að niðurgreiða innanlandsflug fyrir þá sem búa fjarri höfuðborginni líkt og gert hefur verið í Skotlandi. Njáll Trausti Friðbertsson, formaður hópsins og þingmaður Sjálfstæðisflokks, sagði í viðtali við RÚV í haust að gert væri ráð fyrir lokaskýrslu um málið fyrir jól. Verði hin svokallaða Skoska leið farin þá gerir Njáll Trausti ráð fyrir að það tæki einhver ár að innleiða fyrirkomulagið. Hörður, forstjóri Ernis, segir í svari til Túrista, að ekki liggi fyrir hvaða áhrif Skoska leiðin muni hafa á sjálfa flugstarfsemina en segist binda vonir við að það náist samlegðaráhrif sem verði öllum til hagbóta.

 

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …