Samfélagsmiðlar

Áfram taprekstur hjá Play

PLAY flutti rúmlega 181 þúsund farþega á öðrum fjórðungi þessa árs.

Play tapaði 3,3 milljörðum króna á fyrri helmingi ársins og þar af 1,9 milljarði frá apríl til júní ef miðað er við meðalgengi bandaríkjadollara, uppgjörsmynt flugfélagsins. Tapið síðastliðið eitt og hálft ár nemur 6,1 milljarði kr. en Play safnaði 10,3 milljörðum kr. í tveimur hlutafjárútboðum í byrjun síðasta sumars.

Þar var fjárfestum kynnt rekstraráætlun sem gerði ráð fyrir 4 milljón dollara hagnaði í ár. Sú upphæð jafngildir 566 milljónum í dag.

Til að ná þessu markmiði verður afkoma flugfélagsins að vera jákvæð um nærri fjóra milljarða króna á seinni hluta ársins. En samkvæmt tilkynningu sem flugfélagið sendi út í dag, í tengslum við uppgjörið, þá er gert ráð fyrir jákvæðri rekstrarafkomu seinni sex mánuði ársins. Ekki eru þó nefndar neinar tölur í því samhengi.

Play greiddi nærri 2,5 milljarða króna í eldsneyti og losunarkvóta á síðasta ársfjórðungi samkvæmt uppgjörinu en sú upphæð var nærri þrefalt hærri en launakostnaður félagsins á tímabilinu. Olíuverð hefur hins vegar farið lækkandi því tonn af þotueldsneyti kostar í dag 1133 dollara sem er nærri fimmtungs lækkun frá því sem var fyrir tveimur mánuðum síðan. Play nýtur þó ekki allrar þessarar lækkunar því félagið greiðir Skeljungi 1.210 dollara á tonnið fyrir 20 prósent af eldsneytisnotkuninni.

„Eftir hraða en örugga uppbyggingu með fjölda nýrra áfangastaða, innleiðingu tengiflugsleiðakerfis og móttöku flugvéla er reksturinn loks kominn í fastar skorður. Ég er stoltur af öllu starfsfólki Play sem hefur komið fyrirtækinu á koppinn á stuttum tíma í mjög kviku og flóknu rekstrarumhverfi. Við komum út úr þessum uppbyggingarfasa með sterka fjárhagsstöðu og loks eru ytri aðstæður okkur hagfelldari eftir nokkurn mótvind síðustu misseri. Til dæmis sjáum við eldsneytisverð fara ört lækkandi. Við sjáum fram á bjarta tíma, bókunarstaðan er sterk og til stendur að skila jákvæðri rekstrarafkomu á síðari helmingi ársins,“ skrifar Birgir Jónsson, forstjóri Play, í tilkynningu.

Þar segir jafnframt að flugfélagið geri ráð fyrir að ráða um 200 nýja starfsmenn á næstunni en hjá félaginu starfa í dag um þrjú hundruð manns.

Áætlun um fjölda farþega í ár hefur hins vegar verið lækkuð eða úr 865 þúsund niður í 800 þúsund. Stjórnendur félagsins voru þó farnir að tala um eina milljón farþega í ár nú í vor.

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …