Samfélagsmiðlar

Japan er opið – en þó ekki

Í júní var blásið í lúðra í Japan og ferðafólk boðið velkomið að nýju eftir að landið var opnað eftir heimsfaraldur. En miklu færri koma en vænst var. Það má tala um hrun í heimsóknum miðað við árið 2019.

Ginza-hverfið í Tókýó

Enginn skortur hefur verið á hörmungarsögum af ferðalögum fólks um heiminn í sumar. Rætt hefur verið um vandræði á flugvöllum, troðning á vinsælum stöðum og svo hafa fregnir af voðalegum hita í Evrópu verið áberandi. Þetta gildir hinsvegar ekki um Asíulöndin. Þangað hafa leiðir verið að opnast, ekki fer sögum af týndum töskum eða aflýstum flugferðum, en ferðafólkið hefur ekki skilað sér aftur, eins og CNN fjallar um á ferðasíðum sínum. Vakin er sérstök athygli á hruninu í Japan. Á tímabilinu 10. júní til 10. júlí komu aðeins um 1.500 ferðalangar í skemmtiferðum, samkvæmt upplýsingum frá útlendingaeftirliti Japans, eða 95 prósentum færri en á sama tímabili 2019 – fyrir heimsfaraldurinn. Sannkallað hrun. Flestir þessara sem þó komu voru frá Tælandi og Suður-Kóreu, 400 manns frá hvoru landi, en 150 Bandaríkjamenn létu sig hafa að skoða Japan með grímu í hópferð.

Á þessu eru góðar skýringar.

Jafnvel þó að Japan sé sagt opið ferðafólki reisa stjórnvöld þær skorður að fólk sem vill koma í skemmtiferðir til landsins verður að koma í skipulögðum hópum en ekki sem einstaklingar. Þetta er í huga flestra vestrænna ferðamanna óásættanlegt. Kona í New York, sem ferðaðist oft til Japans, segir við CNN: „Við viljum ekki láta passa okkur eins og börn.“ Í stað þess að fara enn eina ferðina til Japans ráðgerir konan að ferðast með manni sínum til Suður-Kóreu í ár. „Við nennum ekki að lenda í einhverju sóttkvíarstandi, viljum bara flækjast um, versla og gleypa í okkur rándýrt sushi.“

Á veitingastað í Tókýó Mynd: ÓJ

Japan er sem sagt ekki í raun opið land þó að því sé haldið fram. Enn er þess krafist að fólk gangi með grímur, hópferðirnar eru gjarnan mjög dýrar – og það sem er kannski verst er að krafist er sóttkvíar áður en haldið er inn í landið. Fólk í Hong Kong, Tævan og Suður-Kóreu sem áður gat stokkið með stuttum fyrirvara í helgarferð til Japans sést þar varla lengur. Þetta hefur auðvitað komið sér illa fyrir þá sem hafa haft tekjur af þessum gestum, eins fínir veitingastaðir. Margir þeirra hafa þó að sögn lifað góðu lífi í gegnum faraldurinn, þökk sé heimafólkinu sem ekki hefur komist til útlanda og borðar meira og oftar á fínni stöðum heimafyrir.

Fleira skýrir hrunið í Japan. Árið 2019 voru Kínverjar fjölmennastir ferðamanna í landinu, eða 9,2 milljónir. Nú er Kína hinsvegar einangrað land. Mjög stífar sóttvarnarkröfur eru gerðar til heimafólks og gesta. Kínverska ferðaþjónustan er í dái. Þetta kemur hart niður á Japan, Ástralíu, Síngapúr og Suður-Kóreu, en þessi lönd öll hafa verið vinsælir áfangastaðir kínverskra ferðamanna.

Frá Kyoto – Mynd: ÓJ

Við þessi vandræði, sem rakin eru í CNN, má líka bæta áhrifum flugbanns yfir Rússland. Stríðið í Úkraínu hefur raskað áætlunum flugfélaga og dregið úr ferðavilja margra.

Á meðan harðar takmarkanir gilda varðandi ferðalög til Japans er þess ekki að vænta að ferðamönnum fjölgi þar mikið.

Enginn vafi er þó talinn á að Japan er á óskalista margra ferðalanga.

Á Ito-skaga – Mynd: ÓJ
Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …