Samfélagsmiðlar

Gera hlé á flugi til New York eftir áramót

Þotur Play munu ekki fljúga til Stewart flugvallar frá byrjun janúar og fram í miðjan febrúar á næsta ári. Birgir Jónsson, forstjóri Play, útskýrir hér þessa breytingu og ræðir líka nýafstaðið hlutafjárútboð og áform um aukið flug til Norður-Ameríku og Evrópu næsta sumar.

Flugstöðin við Stewart flugvöll norður af New York borg.

„Eins og blasir við þá erum að draga aðeins saman yfir háveturinn þegar eftirspurnin er veikust. Eins er olíuverðið er hátt og það er líka breyta í þessu,“ segir Birgir Jónsson, forstjóri Play, um þá ákvörðun að gera hlé á flugi til New York í nærri sex vikur eftir áramót. Breytingin hefur ekki hafa áhrif á fjölda starfsmanna.

Spurður hvort ekki þurfi að fækka ferðum til Evrópu á móti þá segir Birgir að það verði gert en þá helst með því að draga úr tíðni ferða innan vikunnar. Meira verði það ekki því flugáætlunin til Boston og Baltimore-Washington verði óbreytt. Þeir farþegar sem ætla milli Evrópu og Norður-Ameríku í byrjun næsta árs komast því alla leið með Play.

Play er eina alþjóðlega flugfélagið á Stewart flugvelli í New York á meðan keppinautarnir nýta Newark eða JFK flugvöll til að fljúga til Evrópu. Og að sögn Birgis er hið stutta hlé á flugi til New York eftir áramót ekki undanfari þess að félagið skipti um starfsstöð á New York svæðinu.

Útgerðin á Stewart flugvelli hafi nefnilega gengið vel nema hvað aðstaða fyrir fraktflutninga þar sé ennþá ekki nógu góð. Stjórnendur Play eru því að pressa á úrbætur hvað það varðar. „Fraktflugið er komið á fullt á hinum völlunum í Bandaríkjunum,“ bætir Birgir við.

Ekkert skilyrði að fjármagnið verði ekki nýtt

Stærstu hluthafar Play ætla að leggja félaginu til 2,3 milljarða króna en útboð sem haldið var fyrir almenna hluthafa skilaði engu. Birgir ítrekar það sem hann hefur áður sagt að hann hafi ekki átt von á mikilli þátttöku þar sem útboðsgengið hafi verið hærra en markaðsverðið.

Þú hefur líka sagt að hið nýja hlutafé verði lagt inn á banka þar sem þið þurfið ekki á auknu fé að halda í rekstrinum. Framundan eru þó mánuðir sem flugfélög tapa alla jafna miklu fé. Eru þið alveg viss um að þurfa ekki að nýta fjármagnið í reksturinn?

„Ef það fer þannig þá er það bara þannig. Það eru engin skilyrði í þessu útboði að við notum ekki peninginn. Þvert á móti er hann settur inn til að vera þarna ef við þurfum en plönin gera ekki ráð fyrir að til þess komi. En það verður líka að koma skýrt fram, eins og við höfum verið að benda á, að við teljum okkur ekki þurfa á fjármagninu að halda í rekstrinum miðað við lausafjárstöðuna.

Við áttum okkur á því að við verðum í taprekstri í vetur og fram að sumarvertíð en ef það kemur ekki eitthvað upp, til dæmis mikil hækkun á olíuverði, þá eigum við ekki að þurfa að ganga í þennan sjóð,“ útskýrir Birgi. Hann bætir við að staða Play sé önnur en hins norska Flyr en það félag efndi líka til hlutafjárútboðs í nóvember en þá gagngert til að halda starfseminni gangandi.

Nýjar þotur og áfangastaðir

Play nýtir í dag sex flugvélar en í byrjun næstu sumarvertíðar verða þoturnar tíu. Forstjórinn segir að langstærsti hluti þess kostnaðar sem fellur til vegna þeirrar viðbótar hafa verið greiddur. Kjörin hafi verið frábær og til marks um það þá bíði nýju þoturnar tilbúnar í Danmörku en um er að ræða glænýjar vélar frá Airbus.

„Þannig að það er fullt af kostnaði sem við þurfum ekki að bera,“ bætir Birgir við en segir þó ljóst að þjálfun starfsfólks og markaðskostnaður séu liðir sem kosti sitt þegar félagið sé að stækka og bæta við áfangastöðum.

Þurfiði ekki að setja nýju áfangastaðina vestanhafs í sölu sem fyrst?

„Við höfum bætt við Dulles í Washington og það eru einn til tveir áfangastaðir í viðbót sem við eigum eftir að kynna. Við höfum verið að vinna í leyfum fyrir flug til Kanada sem er alveg jafn flókið ferli og í Bandaríkjunum. Það er að klárast þannig að nú ætti að draga til tíðinda alveg á næstunni.

Tíðari ferðir til evrópskra borga

Nú ætlar Icelandair að fljúga til Prag í samkeppni við ykkur og þau byrja með fjórar ferðir í viku á meðan þið gerið ráð fyrir tveimur alveg eins og síðasta sumar. Er þessi innkoma Icelandair vísbending um að þið ættuð að fljúga oftar á ákveðna áfangastaði?

„Hluti af því sem við ætlum að gera næsta sumar er að auka tíðnina á sumum stöðum þó Prag þurfi ekki að vera einn af þeim. Við eigum eftir að stilla upp fullt af hlutum í sumarprógramminu þó að Norður-Ameríka þurfa að liggja soldið vel fyrir fyrst. Okkur hefur gengið mjög vel í þessum ferðamannaborgum og ætlum að nýta okkur það forskot sem við höfum. Þetta eru staðir þar sem fólk kaupir ekki sæti á viðskiptafarrými heldur bara á almennu farrými. Þarna nýtist því þessi lági einingakostnaður okkar í takt við tekjurnar. Við erum ennþá með nokkur ný spil upp í erminni þó það þurfi ekki endilega að vera mikið af nýjum stöðum heldur bara þétting á þeim sem fyrir eru.“

Þurfið þið ekki líka að tryggja ykkur fleiri lendingarleyfi, til dæmis í París?

„Jú, það er líklegt að við fjölgum ferðum til þessara stærstu flugvalla. Gríðarlegar vinsældir Parísar hafa komið okkur soldið á óvart og við þurfum að bæta við ferðum þangað í takt við aukin umsvif í Ameríku.

Nýtt efni

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …

Sjö af þeim níu þotum sem voru í flota Wow air undir það síðasta voru í eigu flugvélaleigunnar Air Lease Corporation (ALC). Ein þeirra var kyrrsett á Keflavíkurflugvelli í kjölfar gjaldþrots flugfélagsins þann 28. mars árið 2019 en í takt við samkomulag Wow Air og Isavia var ávallt ein þota félagsins eftir á Keflavíkurflugvelli sem …

Það styttist í að Strætó geti boðið farþegum upp á að greiða með bankakortum á snertilausan hátt í vögnum sínum. „Loksins!“ segja vafalaust margir óreglulegir notendur þjónustunnar, sem hafa pirrað sig á því hversu flókið og fráhrindandi greiðslukerfi Strætó er - að þurfa að hlaða niður Klapp-appinu (smáforriti), kaupa sérstaka passa með fyrirframgreiddum fargjöldum og …