Samfélagsmiðlar

Almennir fjárfestar sýndu útboðinu ekki áhuga

Tuttugu stærstu hluthafar Play ætla að leggja félaginu til 2,3 milljarða króna líkt og tilkynnt var í byrjun nóvember þegar flugfélagið birti uppgjör fyrir þriðja ársfjórðung. Þar var niðurstaðan verri en áætlanir gerðu ráð fyrir.

Til að gæta jafnfræðis var minni hluthöfum einnig boðið að kaupa nýtt hlutafé í Play og í boði voru 78 milljónir hluta sem kostuðu 14,6 krónur hver og einn. Útboðið hófst á mánudagsmorgun og samkvæmt tilkynningu frá Play í gærkvöld var þátttakan hverfandi „eðli málsins samkvæmt“ eins og þar segir. Er þá vísað til þess að útboðsgengið var hærra en markaðsgengið eins og sjá má hér fyrir neðan.

Þessar 78 milljónir hlutabréfa voru því ekki gefin út en aftur á móti samþykkti hluthafafundur Play í gær að gefa út bréfin fyrir 20 stærstu hluthafana. Þar með fjölgar útgefnum hlutum í Play um 22 prósent og markaðsverð félags hækkar um 2,1 milljarð króna.

Verðmæti hinna nýju hluta hefur því lækkað um 200 milljónir frá því að stærstu hluthafarnir skuldbundu sig til að kaupa þá fyrir 2,3 milljarða fyrir mánuði síðan. Með nýjum bréfunum fylgir þó réttur til að kaupa fleiri bréf á sama verði í ársbyrjun 2024.

Birgir Jónsson, forstjóri Play, hafði áður sagt að hann ætti ekki sérstaklega von á því að mikið komið inn í hlutafjárútboðinu fyrir almennu hluthafana enda væri það haldið til að gæta jafnræðis meðal hluthafa og bjóða öllum sömu kjör á viðbótarhlutafé. 

„En það væri gaman ef smærri hluthafar vildu taka þátt en það er ekki stórt atriði. Félagið er sterkara eftir þessa aukningu frá þeim stærstu og það er öllum hluthöfum til hagsbóta líka,“ útskýrði Birgir.

Nýtt efni

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …