Bláa lónið opnar á nýjan leik í dag og það sama á við um allan annan rekstur við lónið sjálft. Þar á meðal hótelin Retreat og Silica auk veitingastaðanna Lava og Moss. Ákvörðun um opnun er tekin í nánu samráði við yfirvöld að því segir í frétt á heimasíðu lónsins. „Sem fyrr fylgjum við fyrirmælum þeirra í hvívetna,“ segir þar jafnframt.
Hraunflæði úr síðasta eldgosi olli skemmdum á veginum sem liggur að Bláa lóninu. Vegna þessa þurfa gestir að keyra aðra leið til að komast til þangað eins og sjá má á leiðarlýsingu hér að ofan.
Það er áréttað fyrir gestum að vegurinn sé þröngu og afar mikilvægt sé að aka gætilega og fylgja reglum um hámarkshraða. Gestir geta bókað akstur á staðinn með Destination Blue Lagoon.
„Athygli gesta er vakin á því að starfsstöðvar okkar eru innan hættusvæðis vegna jarðhræringa samkvæmt mati Veðurstofu Íslands. Komi til stórra jarðskjálfta eða mögulegra eldhræringa verða gestir látnir vita og viðeigandi ráðstafanir gerðar. Veðurstofa Íslands fylgist gaumgæfilega með virkni á svæðinu og framgangi mála og á sú vöktun sér stað allan sólarhringinn. Starfsemi okkar tekur sem fyrr mið af hættumati og ráðleggingum yfirvalda á hverjum tíma,“ segir á vef Bláa lónsins.
