Samfélagsmiðlar

Staðfesta flutninginn frá Gatwick

Nú er komið á hreint að Stansted flugvöllur verður heimahöfn WOW air í London. Þar reyndi Andri Már Ingólfsson að koma á beinu flugi til Bandaríkjanna í vor en gekk ekki meðal annars vegna samkeppninnar við WOW air.

Þota WOW á Stansted flugvelli í London.

Í byrjun þessa mánaðar vildu stjórnendur WOW air ekki tjá sig um orðróm þess efnis að félagið hefði selt lendingarleyfi sín á Gatwick flugvelli í London. Nú staðfesta þeir hins vegar að leyfin hafi verið seld en ætla þó ekki að gefa upp hver kaupandinn er né hversu mikið fékkst fyrir leyfin. Hvort það var í raun Indigo Partners, sem nú íhugar kaup á WOW, sem fékk leyfin fæst því ekki uppgefið. En líkt og Túristi greindi frá fyrir hálfum mánuði þá verður WOW að færa leyfið beint yfir á annan flugrekanda. Bandaríska fjárfestingafélagið getur því ekki verið skráð fyrir þeim.

Þannig vill hins vegar til að Indigo Partners á stóran hlut í ungverska lággjaldaflugfélaginu Wizz Air og það félag er einmitt að hefja áætlunarflug til Gatwick frá Búdapest og rúmensku borgunum Búkarest og Cluj nú í vor. Á sama tíma færist starfsemi WOW air í London yfir á Stansted flugvöll.

Frá þeim velli hélt WOW úti sumarflugi til Íslands í ár. Stansted er minni flughöfn en Gatwick og með mun takmarkaðra úrval af flugleiðum og flugfélögum en þekkist á Gatwick. Á þeim síðarnefnda halda nefnilega til mörg af stærstu flugfélögum í heimi enda er hann næstfjölfarnasti flugvöllur Bretlands. Farþegar sem flugu til Gatwick frá Asíu, Afríku eða Eyjaálfu gátu þá flogið áfram til Íslands eða N-Ameríku með WOW. Þessi farþegahópur er mun takmarkaðri á Stansted þar sem stór hluti af umferðinni tengist leiguflugi fyrir ferðaskrifstofur og flugferðum Ryanair.

Þessi takmörkun á Stansted er ein af ástæðum þess að þaðan hefur ekki gengið að halda úti áætlunarflugi til Norður-Ameríku þrátt fyrir nokkrar tilraunir. Sá sem brenndi sig síðast á því var Andri Már Ingólfsson. Flugfélagið hans, Primera air, áformaði að halda uppi reglulegu flugi frá Stansted til Bandaríkjanna og Kanada en varð gjaldþrota nokkrum mánuðum eftir jómfrúarferðina frá Stansted. Segja má að Primera Air hafi fengið harða samkeppni frá WOW air í Stansted með alla sína áfangastaði í Bandaríkjunum. Í júní nýttu til að mynda fleiri farþegar ferðir WOW air en Primera air frá Stansted.

Í ljósi þess sem síðar hefur komið fram um fjármögnunarvanda flugfélaganna tveggja þá má draga þá ályktun að í sumar hafi þeir Andri og Skúli ekki aðeins keppst um farþega á leið milli Stansted og N-Ameríku heldur líka um hylli stjórnenda Arion banka. Andri Már hefur ekki viljað tjá sig um orðróm um að WOW hafi fengið lán frá Arion í sumar á hans kostnað og hefur aðeins sagt það ljóst að Primera Air hafi ekki fengið fyrirgreiðslu.

Nýtt efni

„Við erum á lokametrunum í undirbúningi og opnum vonandi í september," segir Inga Harðardóttir, framkvæmdastjóri Flóra hotels, um nýtt íbúðahótel á vegum Reykjavik Residence við Vatnsstíg. Á nýja hótelinu verða 26 íbúðir í nýuppgerðum fasteignum milli Laugavegs og Hverfisgötu en Reykjavik Residence rekur íbúðahótel á nokkrum stöðum í miðborginni. Flóra hotels, móðurfélag Reykjavík Residence, rekur …

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …