Samfélagsmiðlar

WOW flutti fleiri frá Stansted en Primera Air

Flugfélög Skúla Mogensen og Andra Más Ingólfssonar flugu samtals með um 19 þúsund farþega milli þriðja fjölmennsta flugvallar Lundúna og Norður-Ameríku í maí.

Þrátt fyrir að umferðin um Stansted flugvöll í London sé mikil þá hefur engu flugfélagi tekist að halda úti Ameríkuflugi þaðan yfir lengri tíma. Nú gerir Primera Air, flugfélag Andra Más Ingólfssonar, tilraun til að koma á reglulegu áætlunarflugi vestur um haf frá Stansted og hófust ferðirnar í apríl. Fljúga þotur félagsins til Boston, Washington borgar og New York auk Toronto í Kanada.

Á sama tíma og Primera Air hóf starfsemi sína á Stansted í vor þá bætti WOW air við flugi þangað en stór hluti farþega íslenska flugfélagsins er fólk á leið yfir hafið með millilendingu á Íslandi. WOW flýgur til sömu borga í Norður-Ameríku og Primera Air gerir og það má því segja að farþegar sem kjósa að fljúga frá Stansted til Bandaríkjanna og Kanada hafi aðeins úr tveimur flugfélögum og bæði eru þau í eigu Íslendinga. Primera Air hefur þó ekki verið með íslenskt flugrekstrarleyfi síðan árið 2009.

Nú liggja fyrir tölur bresku flugumferðastjórnarinnar um fjölda farþega í flugi til og Bretlandi í maí. Samkvæmt þeim þá flugu 10.306 farþegar milli Íslands og Stansted í maí og það hafa verið farþegar WOW air því ekkert annað flugfélag flýgur á þessari leið. Á sama tíma nýttu 8.495 farþegar sé flugið frá Stansted til Bandaríkjanna í maí með Primera Air.

Ekki fást upplýsingar frá WOW air um hlutfall skiptifarþega í flugi WOW air frá Stansted og því er ekki hægt að leggja mat á hversu stór hluti af þessum rúmlega 10 þúsund farþegum félagsins voru á leið yfir yfir hafið. Ef hlutfall tengifarþega hefur verið um helmingur þá hafa flugfélög Skúla og Andra Más samtals flutt á annan tug þúsunda farþega milli Stansted og Norður-Ameríku í maí. Til samanburður flugu um 1,7 milljónir farþega milli Bretlands og Bandaríkjanna í maí sl.

Þær tölur sem Túristi styðst við eru opinber göng í Bretlandi en ekki hér á landi. Túristi hefur kært þennan skort á upplýsingagjöf til úrskurðarnefndar upplýsingamála. Niðurstaða nefndarinnar liggur ekki fyrir.

Nýtt efni

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …

Stjórn Volvo Cars ætlar að láta af því verða að minnka hlutinn í sænska rafbílaframleiðandanum Polestar en áformin voru fyrst kynnt í byrjun þessa mánaðar. Fjárfestar tóku tíðindunum vel því hlutabréfin í Volvo hækkuðu í kjölfarið um fjórðung. Endurteknar hlutafjáraukningar Polestar hafa nefnilega haft neikvæð áhrif á gengi Volvo í kauphöllinni í Stokkhólmi samkvæmt frétt …

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …