Samfélagsmiðlar

Farþegum gæti fækkað um 1800 á dag

Ný farþegaspá Keflavíkurflugvallar gerir ráð fyrir töluverðum samdrætti fyrstu þrjá mánuði næsta árs.

kef farthegar

Þotunum í flugflota WOW air fækkar hratt og í gær tilkynnti félagið um sölu á fjórum þotum til kanadíska flugfélagsins Air Canada. Verða þær afhentar strax eftir áramót. Í nóvember missti félagið svo frá sér fjórar þotur og að minnsta kosti ein flugvél í viðbót mun fara úr flotanum sem mun samanstanda af 11 Airbus flugvélum á næsta ári í stað 20.

Þessar breytingar kalla að gjörbreytt leiðakerfi og niðurskurðurinn hefur umtalsverð áhrif á farþegafjöldann á Keflavíkurflugvelli. Þannig gerir ný farþegaspá Isavia ráð fyrir að farþegum á Keflavíkurflugvelli fækki um 159 þúsund á fyrsta fjórðungi næsta árs eða um nærri átján hundruð á dag að jafnaði. Þetta kemur fram í nýrri farþegaspá sem Isavia sendi rekstraðilum á Keflavíkurflugvelli fyrir helgi.

Gangi þessi áætlun eftir mun farþegum fækka um níu af hundraði allt þetta tímabil  og langmest í mars. Þá er gert ráð fyrir um 97 þúsund færri farþegum eða um 14 prósenta samdrætti. Þessi mikla niðursveifla skrifast ekki bara á niðurskurðinn hjá WOW air heldur líka á tímasetningu páska. Þeir verða um miðjan apríl á næsta ári en voru um mánaðarmótin mars apríl í ár. Í janúar er búist við að farþegahópurinn dragist aðeins saman um tvo af hundraði og um tíund í febrúar.

Það er hópur skiptifarþega sem ætti að dragast hlutfallslega mest saman á þessu þriggja mánaða tímabili eða um 13 prósent samkvæmt þessari nýju áætlun Keflavíkurflugvallar. Skýringin á því liggur líklegast í þeirri staðreynd að undanfarin misseri hefur rúmur helmingur af farþegum WOW verið tengifarþegar. Þar með er fækkun ferðamanna, fyrstu þrjá mánuði næsta árs, ekki eins mikil. Til að mynda er gert ráð fyrir að komu- og brottfararfarþegum fækki um 7 og 8 prósent fyrstu þrjá mánuðina 2019.

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …