Það er ennþá óljóst hvenær farþegaflug milli Norður-Ameríku og Evrópu verður á ný með hefðbundnum hætti. Reglulegar ferðir milli Íslands og New York eru þó ennþá á dagskrá Icelandair og bandarísku flugfélaganna Delta og United.
Þetta er aðeins ein af þremur flugleiðum sem Icelandair verður í samkeppni við tvo flugfélög eða fleiri. Og samkvæmt verðkönnun Túrista þá eru fargjöldin hærri hjá Icelandair en hinum tveimur í júní og júlí en þó ekki í ágúst.
Túristi kannaði fargjöld félaganna þriggja til New York frá Keflavíkurflugvelli dagana 14. til 20. júní og sömu dagsetningar í júlí og ágúst. Í öllum tilvikum er horft til ódýrustu fargjaldanna þar sem farþegar borga fyrir innritaðan farangur.
Eins og sjá má þá er býður United lægsta verðið í júní og júlí en Icelandair er ódýrasti kosturinn í ágúst.
Icelandair fær enga samkeppni í flugi til Boston og Washington í sumar en flugtíminn til þessara tveggja borga er álíka langur og til New York. Eins og sjá má þá gerir Icelandair sér vonir um hærra farmiða á þessu flugleiðum í sumar en til New York.
Sem fyrr segir er ennþá óljóst hvort og hvenær almennt flug hefst til Bandaríkjanna á ný. Sala á farmiðum er því væntanlega lítil og það hefur sín áhrif á fargjöldin.
