Samfélagsmiðlar

Hlutafjárútboðinu seinkað

Frestur til að skila tilboðum í stóran hlut í skandinavíska flugfélaginu SAS átti að renna út eftir tíu daga eða þann 26. júní. Nú hefur fresturinn hins vegar verið færður aftur um þrjár vikur því félagið þarf lengri tíma til að ganga frá sínum málum fyrir bandarískum skiptarétti. Þetta kemur fram í nýrri tilkynningu frá flugfélaginu.

SAS hefur notið gjaldþrotaverndar hjá bandarískum dómsstólum frá því síðasta sumar og ætlunin var að ljúka hinu svokallað Chapter-11 ferli á næstu vikum. Í kjölfarið var stefnt að hlutafjárútboði þar sem stórir fjárfestar eiga kost á því að kaupa stóran hlut í þessu stærsta flugfélagi Norðurlanda.

Fresturinn sem fjárfestar hafa hefur nú verið framlengdur til 17. júlí og það verður þá fyrst í september sem fyrir liggur hvernig eignarhaldið á SAS verður. Það er þó ljóst að danska ríkið ætlar sér stóran hlut en eins hefur bandaríski sjóðurinn Apollo Management verið sterklega orðaður við SAS.

Það hefur komið fram að hlutafjáraukningin á að skila SAS 9,5 milljarði sænskra króna (123 milljarðar kr.) og nærri allt annað hlutafé verður þurrkað út. Greinendur norska bankans DNB hafa bent á að þessi verðmiði á SAS sé hár í samanburði við markaðsvirði Norwegian en það er rétt um 150 milljarðar króna í dag. Samt gengur rekstur Norwegian mun betur og eins skuldar það félag lítið. Alla vega í samanburði við helsta keppinautinn.

Þess má geta að samkvæmt nýju verðmati IFS Greiningar þá ætti markaðsvirði Icelandair að vera miklu hærra eða 276 milljarðar kr. Sú upphæð jafngildir markaðsvirði samanlögðu markaðsvirði Norwegian og Finnair í dag.

Nýtt efni

Stærsti bílaframleiðandi heims lætur ekki haggast þó hann hafi mætt nokkru andstreymi að undanförnu. Hluthafafundur Toyota endurnýjaði traust sitt á 10 manna stjórn fyrirtækisins í dag, þar á meðal á formanninum, Akio Toyoda, sem verið hefur í forystusveit fjölskyldufyrirtækisins frá aldamótum. Hann vék úr starfi forstjóra fyrir rúmu ári og varð stjórnarformaður. Nú hefur þessi …

Hér á landi hefur fjöldi erlendra vegabréfa við vopnaleitina á Keflavíkurflugvelli verið helsti mælikvarðinn á gang mála í ferðaþjónustunni. Á hinum Norðurlöndunum er ekki hægt að stunda svona talningu á flugvöllum enda margir sem koma landleiðina. Gistinætur útlendinga eru því aðalmælikvarðinn á gang mála í ferðaþjónustunni hjá frændum okkar og samtals voru þær 15,3 milljónir …

Búist er við að 38 prósenta hækkun tolla á innflutta rafbíla frá Kína hægi á sókn framleiðenda þar inn á Evrópumarkað. Hins vegar verður það aðeins tímabundið. Kínverskir framleiðendur hafa þegar náð sterkri stöðu í tæknimálum og getu til að framleiða á hagkvæman hátt - þeir ráða yfir allri aðfangakeðju framleiðslu sinnar. Að auki munu …

Fyrstu helgina í júní stefndi í verkfall flugmanna Norwegian í Noregi en samningar tókust á elleftu stundu. Flugfélagið hafði áður samið við danska og spænska flugmenn en þeir norsku kröfðust hlutfallslega meiri hækkunar og vísuðu til þess að laun þeirra stæðust ekki samanburð við starfsbræður sína í Evrópu vegna þess hve veik norska krónan er. …

„Það umfangsmikið verkefni að opna nýja álmu við flugstöð. Byggingin þarf að uppfylla fjölmargar kröfur yfirvalda , m.a. um innréttingar, eldvarnir, umhverfiskröfur og vinnuaðstæður. Það þarf líka að setja upp flókinn tækjabúnað, sem þarnast sérhæfðrar þekkingar og margra stunda þjálfun ef hann á að skila sínu hlutverki. Það gildir um nýjan öryggisbúnað flugvallarins," segir í …

Suður-kóreski bílaframleiðandinn Hyundai veðjar á fjórða stærsta bílamarkað heims, Indland. Stærstu markaðirnir eru Kína, Bandaríkin og Japan - en Indlandsmarkaður vex hratt og mikil sala er í litlum og sparneytnum gerðum bíla. Á síðasta ári keypti dótturfélag Hyundai á Indlandi verksmiðjur General Motors í Maharashtra í vestanverðu landinu með það fyrir augum að auka framleiðslu …

Icelandair sagði 82 starfsmönnum upp fyrir síðustu mánaðamót en þær uppsagnir náðu ekki til áhafna flugfélagsins. Nú er hins vegar komið að þeim hópi því fyrir helgi fengu 57 flugmenn uppsagnarbréf og eins voru 26 flugstjórar færðir í stöðu flugmanna. Við þá breytingu lækka laun viðkomandi um fimmtung samkvæmt því sem FF7 kemst næst.  Flugmönnum …