Ferðir Iceland Express voru á áætlun í 99 prósent tilvika síðustu tvær vikur. Tafir á millilandaflugi voru litlar á tímabilinu.
Stundvísi Icelandair, Iceland Express og WOW air hefur verið góð í sumar samkvæmt útreikningum Túrista. Allt annað er að sjá til Iceland Express nú en fyrir ári síðan þegar áætlanir þess riðluðust reglulega. Ferðir félagsins voru t.a.m. nær allar á réttum tíma síðastliðinn hálfan mánuð. Hjá WOW air komu og fóru vélarnar samkvæmt áætlun í 86 prósent tilvika og hjá Icelandair var hlutfallið 83% eins og sjá má á töflunni hér fyrir neðan.
Nærri 60 ferðir á dag
Eins og áður er mikill munur á umsvifum þessara þriggja fyrirtækja. Ferðir Icelandair til og frá Keflavík voru að jafnaði tæplega sextíu á dag sl. tvær vikur. Iceland Express stóð fyrir um níu ferðum á dag og WOW air sex.
Stundvísitölur Túrista, 16. til 31. ágúst (í sviga eru niðurstöður fyrri hluta ágúst).
16. – 31. ágúst. | Hlutfall brottfara á tíma | Meðalseinkun brottfara | Hlutfall koma á tíma | Meðalseinkun koma | Hlutfall ferða á tíma | Meðalbið alls |
| Icelandair | 86% (94%) | 5 mín (2 mín) | 83% (87%) | 4 mín (3 mín) | 83% (90%) | 4 mín (2 mín) |
| Iceland Express | 98% (91%) | 0 mín (8 mín) | 99% (89%) | 0 mín (14 mín) | 99% (90%) | 0 mín (11 mín) |
| WOW air | 91% (86%) | 2 mín (17 mín) | 81% (71%) | 10 min (32 mín) | 86% (79%) | 6 mín (24 mín) |
Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar frá öllum seinkunum. Flug sem tefjast um minna en stundarfjórðung teljast vera á áætlun.
Fylgstu með Túrista á Facebook
TILBOÐ: 5% afsláttur á ódýru hóteli í Köben og á hótelíbúðum í Berlín
Mynd: Gilderic/Creative Commons
