Samfélagsmiðlar

Hóteltékk: Josty-Brauerei í Berlín

Ódýrt og vel staðsett íbúðahótel í höfuðborg Þýskalands.

Berlín er stór og hverfin mörg og það getur skipt sköpum að gista á góðum stað til að tapa ekki of miklum tíma í ferðalög innan borgarinnar. Josty Braueri í Mitte hverfinu er gististaður í ódýrari kantinum sem hentar fjölskyldum og hópum vel. Lesendur Túrista fá afslátt á gistingunni.

Staðsetningin

Íbúðahótelið Josty-brauerei er óneitanlega vel staðsett. Það er í Mitte, miðju Berlínar í bókstaflegri merkingu. Í hverfinu er nóg af góðum veitingastöðum, kaffihúsum og búðum. Í Auguststraße er margt skemmtilegra veitingastaða og bara og hún er í 5-10 mínútna göngufjarlægð. Ekki spillir síðan fyrir að margir þeirra staða sem vert er að skoða svo sem Unter den Linden, Museumsinsel (Safnaeyjan), Reichstag og Brandenburger Tor eru í göngufæri (innan við 20-30 min gangur á flesta staði). Friedrichstraße, ein af stærri verslunargötunum er heldur ekki langt undan. Það er líka auðvelt að nálgast alla staði með almenningssamgöngum en bæði stoppustöðvar fyrir neðanjarðarlest (á Rosenthaler Platz) og sporvagn (á Pappelplatz) eru nánast á næsta götuhorni.

Herbergin

íbúðahótelið er með 6 íbúðir, eins til tveggja herbergja, sem geta rúmað frá tveimur og upp í sex gesti. Þetta eru snotur og snyrtileg herbergi en enginn íburður. Í öllum íbúðum er baðherbergi og lítil eldhúsaðstaða með ísskáp og því helsta sem þarf til að útbúa morgunverð eða létta máltíð. í öllum íbúðunum er líka aðgengi að þráðlausu neti.

Verðið

Verðið er viðráðanlegt, á bilinu 70-90 evrur á dag (10500-13500 íslenskar krónur). Íbúðahótelið er í fallegum bakgarði í sögulegu umhverfi, gamla Josty brugghúsinu. Í garðinum er líka mjög huggulegur veitingastaður og bar, Katz Orange, sem er vinsæll meðal heimamanna. Það þarf þó ekki að óttast mikið ónæði af staðnum.
Útsendari Túrista gisti nýverið í einni þessara íbúða og getur hiklaust mælt með þeim fyrir þá sem eru að leita að gistingu í Berlín á góðu verði.

Josty Brauerei býður lesendum Túrista 5 prósent afslátt á gistingu. Sjá nánar hér.

TENGDAR GREINAR: Story Hotel í Stokkhólmi

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …