Samfélagsmiðlar

Bilið milli lággjaldaflugfélaga og þeirra hefðbundnu minnkar

Með sókn flugfélaga eins Southwest og Spirit í Bandaríkjunum og Ryanair og Easy Jet í Evrópu hafa stóru flugfélögin þurft að hagræða í rekstri. Árangurinn hefur ekki látið á sér standa.

Nærri fjórir af hverjum tíu flugfarþegum í Evrópu ferðuðust með lággjaldaflugfélagi á síðasta ári. Hvergi annars staðar er hlutdeild þessara félaga jafn mikil samkvæmt úttekt bókunarfyrirtækisins Amadeus sem sagt var frá hér á síðunni nýverið.

Hefðbundin flugfélög eins og Delta og Air France hafa því þurft að hagræða hjá sér til að geta keppt við lággjaldafélögin. Samkvæmt úttekt endurskoðunarfyrirtækisins KPMG hefur þeim tekist vel upp og lækkað kostnað við hvern floginn kílómetra um nærri þriðjung síðustu ár. Munar þar mestu um nýjar og sparneyttar vélar og minni starfsmannakostnað. Bilið á milli þessara tveggja flokka hefur því minnkað verulega en sérfræðingar KPMG telja þó ekki raunhæft fyrir hefðbundin flugfélög að ætla að ná kostnaðarstigi lággjaldafélaganna. KPMG telur að munurinn á þeim félögum sem teljast til síðarnefnda flokksins muni aukast á næstunni. Sum muni einblína á lægsta verðið og þar með lægsta kostnaðinn á meðan önnur reyna að ná til sín farþegum sem vilja borga aðeins meira fyrir aukna þjónustu eins og frían farangur og sætisval.

Í skýrslu KPMG er ekki fjallað um hvernig fargjöld þessara félaga hafa þróast síðustu ár.

HÓTEL: Smelltu til að finna ódýrt hótel fyrir næstu ferð

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …