Samfélagsmiðlar

Ferðafólki fjölgar álíka og fyrir nokkrum árum síðan

Í hausum talið þá var viðbótin í febrúar jafn mikil og fyrir fjórum og fimm árum síðan og miklu meiri en oft áður á þessum tíma árs. Hins vegar ekkert í samanburði við aukninguna í fyrra og hittifyrra.

island anders jilden

Pólverjar eru áfram sú þjóð sem stækkar hraðast í hópi ferðafólks hér á landi.

Í febrúar innrituðu 160 þúsund erlendir farþegar sig í flug frá Keflavíkurflugvelli eða um 12 þúsund fleiri en á sama tíma á síðasta ári. Þá jókst ferðamannastraumunni hins vegar um nærri helming en ekki um 8 af hundraði líkt og raunin varð núna en spá Isavia gerði ráð fyrir um fimmtungi fleiri erlendum ferðamönnum að þessu sinni.

Það er því ljóst að það hægist hratt á vextinum og hraðar en gert var ráð fyrir en sé horft fram hjá hlutfallslegri aukningu og þess í stað litið á fjöldatölurnar þá kemur í ljós að viðbótin í síðasta mánuði var álíka og í febrúar 2013 og 2014. Og mun meiri en á árunum þar á undan eins og sjá má á súluritinu hér fyrir neðan.

Hafa ber í huga að talning Ferðamálastofu fer fram við vopnaleitina í Leifsstöð og útlendingar búsettir á Íslandi og svokallaðir sjálftengifarþegar eru taldir sem ferðamenn þó samkvæmt skilgreiningu eigi ekki að telja þessa hópa til ferðafólks.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …